من هو مثلك الأعلي في الحياه؟؟

هل تريد أن تعرف من هو مثلك الأعلي في الحياه ؟؟

جرب معي هذه الطريق الفعاله والتي أكد عليها الدكتور الأمريكي ديفانيو والدكتوره النمساويه كلاوديا شيميدت وهي تعتمد بنسبه كبيره علي دراسة النفس البشريه وتحليل محتواها من خلال الأرقام

إتبع الخطوات التاليه لكي تعرف من هو مثلك الأعلي في الحياه

1- إختر رقمك المفضل بين 1 - 2 - 3- 4 - 6 - 7 - 9

2- اضرب الرقم في 3

3- ثم إجمع الرقم الناتج مع 3

4- واضرب لرقم الناتج مجددا في 3

5- يظهر لديك رقم مؤلف من خانتين أو ثلاثه .... اجمع هذه الأرقام سويه

بمعني لو أصبح الناتج لديك 82 عليك أن تجمع 2+8=10

والآن لتعرف مثلك الأعلي في الحياه اذهب إلي الأسفل واختر الترتيب حسب الناتج الأخير لديك

1- بيل جيتس

2- آينشتين

3- مهاتيير محمد

4- أحمد زويل

5- رجب طيب أردوجان

6- باراك أوباما

7- محمد البرادعي

8- هتلر

9- أحمد عبدالعزيز (اللي هوه أنا يعني)

10- محمد أبو تريكه

ملحوظه هامه : مهم حاولت من تكرار .....فسأبقي أنا مثلك الأعلي

من أسرار النجاح

سرالتوفيق ......إنه الإيمان بالله

يــــــارب ............ ياحبيبي يا رسول الله

Tell me why

Tell Me Why

In my dreams, Children sing
A song of love for every boy and girl
The sky is blue, the fields are green
And laughter is the language of the world
Then I wake and all I see is a world full of people in need

Tell me why,(why) does it have to be like this
Tell me why, (why) is there something I have missed
Tell me why, (why) cause I don't understand
When so many need somebody
We don't give a helping hand
Tell me why

Every day, I ask myself
what will I have to do to be a man
Do I have, to stand and fight
To prove to everybody who I am
Is that what my life is for
To waste in a world full of war

Tell me why, (why) does it have to be like this
Tell me why, (why) is there something I have missed
Tell me why,(why) cause I don't understand
When so many needs somebody
We don't give a helping hand
Tell me why (Tell me why)
Tell me why (Tell me why)
Tell me why (Tell me why)
Just tell me why (why, why, why)

Tell me why, (why) does it have to be like this
Tell me why, (why) is there something I have missed
Tell me why, (why) cause I don't understand
When so many need somebody
We don't give a helping hand
Tell me why (Why why, does the tigers run?)
Tell me why (Why why, do we shoot the gun?)
Tell me why (Why why, do we never learn?)
Can someone tell us why we let the forests burn

(why why do we say we can?) tell me why
(why why is it still the same?) tell me why
(why why do we talk and run?) tell me why
can someone tell us why we let the ocean die

(why why do we always say?) tell me why
(why why do we pass the blame?) tell me why
(why why does it never rain?)
can someone tell us why we cannot just be friends

(why why do we close our eyes?)
(why why do we really lie?)
(why why do we fight for land?)
can someone tell us why cause we don't understand
why why

بيان شباب الاخوان بشأن الاحداث الجارية

بسم الله الرحمن الرحيم

تابعنا تلك الأحداث الأخيرة التي حدثت بمكتب الارشاد ، لذلك رأينا أن يكون لنا موقف ورأي نعلنه علي الاخوان وعلي الرأي العام لأننا أبناء الجماعة التي نعتز بها كمشروع حضاري نتشرف بالانتماء اليه ونحن أكثر الناس حرصا عليها وعلى تقدمها وقوتها لتكون الجسر الذي يعبر عليه وطننا من جو الاستبداد والظلم إلى رحابة الحرية والتقدم ونلخص رأينا في الآتي :

1 – نعلن تقديرنا واعتزازنا الكامل بفضيلة المرشد والوالد الاستاذ محمد مهدي عاكف وقيادته للجماعة ونقدر له جهده وونثمن كل النقلات النوعية التي انتقلت لها الجماعة في فترة توليه المسئولية ونطالبه بالتواجد الفاعل علي رأس الجماعة في المدة التي بقيت

2 – نحترم جميعا أليات الشوري ونتائجها مع التأكيد علي سياسة الوضوح والشفافية بحيث يتم اعلان اللوائح المنظمة للنظام الداخلي والمساواة في كل الحالات وعدم ترك الباب للتأويلات والاجتهادات الشخصية التي توغر الصدور وتؤثر سلبا علي الصف .

3 – ان وحدة الصف وتماسك البناء هو عندنا من الثوابت التي لا نرضي المساس بها ولذلك فاننا نخشي ان تؤدي بنا مثل هذه الاحداث لنماذج قاسية مرت بها الدعوة في اقطار أخري وعليه فان واجب الجميع الان هو رأب الصدع والحرص علي سلامة الصدر وروح الاخوة المنطقية والموضوعية وليس العاطفية فقط .

4 – ليس مقبولا ابدا ان يزايد البعض علي الاستاذ المرشد في مسألة احترامه للشوري والديموقراطية ، فالرجل هو من ضرب أروع مثال في احترام ذلك عندما اصر علي تغيير اللائحة القديمة وتنظيم الانتخابات الداخلية وترسيخ هذا المبدأ ثم طلب ان لا يولي مرة أخري المسئولية ليترك الفرصة لتجديد الدماء .

5 – ندعو القيادة اليوم إلى مراجعة اللوائح الداخلية وتعديلها بشكل عملي يتناسب مع طبيعة ومتطلبات المرحلة التي نمر بها .


6 –نؤكد على ضرورة أن يكون الأداء الإعلامي للجماعة أفضل مما هو موجود الأن لكي لا يتكرر ضعف الاداء وهذا التناقض الذي ظهر في المعالجات الاعلامية الاخوانية للقضية بشكل اساء للجماعة وأكد ان الملف الاعلامي بالجماعة محتاج للمراجعة الشاملة واعادة النظر مع ضبط التصريحات الاعلامية للقيادات والرموز وتحديد متحدث رسمي باسم الجماعة حتي نتجنب التضارب الذي رأيناه في هذه الاحداث.

7 – نشكر كل وسائل الاعلام التي تعاملت بمهنية وموضوعية تجاه الاحداث مع رفضنا لمحاولات بعض الوسائل الاعلامية المتربصة التي ادمنت الاساءة للاخوان و نحمل أنفسنا مسئولية ما حدث واتاح للبعض التشويه والتلفيق

8 – نؤكد ان غلق أي ملف لمشكلة يجب ان يكون بشكل عملي وموضوعي يضمن عدم تكرار المشكلة وعدم تفاقم تراكماتها وكلنا ثقة ان القيادة حريصة علي ذلك مثل الجميع

9 - نؤكد أن حركة الاخوان حركة مصرية وطنية مجتمعية علنية منذ انشأها الامام البنا ، فشأنها هو شأن عام وحالها يخص كل المصريين وكل المهتمين بالمشروع الاسلامي الوسطي الحضاري ولذلك فمن حق المجتمع ان يهتم بداخلنا ويتفاعل معنا كأكبر حركة شعبية مصرية تسعي للاصلاح والتغيير

10 – نتمني ان تكون الفترة القادمة فترة انطلاق في اطار الحركة الوطنية لتلبية أمال ملايين المصريين الذين يعولون علي حركة الاخوان ودورها في الاصلاح والتغيير

وانا لننتهز هذه الفرصة لنعلن عن خطوة هامة نرجوا بها الخير للوطن و للحركة وللمشروع الوسطي ككل وتأتي في اطار البناء وتقديم الحلول الايجابية ، ونعلن من هنا عن تدشين المؤتمر الألكتروني الأول لشباب الاخوان المسلمين والذي سيكون في الفترة القريبة المقبلة وسيناقش اهم الملفات والقضايا التي تهم الدعوة ليقدم رؤي وتصورات تهدف للاصلاح والتطوير ، وفق الله الجميع وألف بين قلوبنا ووحد صفنا وجمع كلمتنا ورزقنا سلامة الصدر وحسن المقصد ، بسم الله الرحمن الرحيم ( واعتصموا بحبل الله جميعا ولا تفرقوا )
والحمد لله رب العالمين

شباب من الاخوان المسلمين ( شباب بيحب مصر )

أزمة المرشد ..دروس مستفادة

بقلم م/هيثم أبوخليل

كشف الحوار الواضح والصريح للدكتور محمد حبيب النائب الأول لمرشد جماعة الإخوان المسلمين لقناة "الجزيرة" وجريدة "الشروق" ليس عن وجود أزمة ومشكلة حقيقية داخل مكتب إرشاد الجماعة وحسب، إنما كشف عن أزمة الشفافية داخل مكتب الإرشاد، وجاء بعده الحوار مع الدكتور سعد الكتاتني في موقع اسلام اون لاين لينفي بعض ما قاله الدكتور حبيب وليؤكد أن هناك اتجاهين متخالفين ..!

بداية ليس من الضروري أن أقسم أنني لست موجه من الأمن أو مغرض أو منفلت اللسان أو أفت في عضد الجماعة ولكني مازلت أعتقد أن جماعة الإخوان هي الفصيل الحي الوحيد في الشارع المصري وأن ما يجري بها يهم كل مصري ... فالجماعة التي ترتضي العمل العام والنزول للشارع وخوض الانتخابات علي مختلف الأصعدة لا يضيرها أن نعلم ونفهم ما يحدث فيها داخل الغرف المغلقة... فمن حق الشعب الذي انحاز للإخوان المسلمين الذين رفعوا شعار "الإسلام هو الحل" أن يفهم ويعلم أن القائمين علي الجماعة يطبقون ما يقولون أم لا.

أزمة شفافية

في كثير من الأحيان تكون مصارحة المريض بمرضه هامة للعلاج وفي الغالب يكون الدواء مراً للغاية.. ولذلك لا أطلق الكلام علي عواهنه وأقول أن هناك أزمة شفافية للأسباب التالية:

(1)النفي الهستيري القاطع لواقعة استقالة المرشد وعدم ذكر حدوث أي مشكلة علي الإطلاق داخل مكتب الإرشاد بل وصل الأمر لتصريحات شخصية في هذا الشأن: (وإن ما تناقلته وسائل الإعلام عن شائعة استقالة فضيلته وخلافه مع أعضاء مكتب إرشاد الجماعة؛ غير صحيح) الدكتور محمود عزت 19/10 موقع "إخوان أون لاين" (خطة لتشويه الجماعة، وتلك الزوبعة لا تثير القيادة، ولا تحمل أي شكل من أشكال القلق على الصفِّ الإخواني، مشددًا على أن مكتب الإرشاد والمرشد العام يد واحدة)، الأستاذ جمعة أمين 19/10 موقع إخوان أون لاين.

(2)وتكتمل المأساة في عدم مصداقية بيان الجماعة في توضيح الموقف وتجد في الفقرة الأولي (يؤكد الإخوان المسلمون أن فضيلة الأستاذ محمد مهدي عاكف المرشد العام للجماعة لم يقدم استقالته من منصبه كما زعمت بعض وسائل الإعلام، وأنه حاضر بين إخوانه أعضاء مكتب الإرشاد وقيادات الجماعة، ويمارس عمله بشكل معتاد) !

(3)لم يكتف الموقع الرسمي بالبيان والتصريحات بل تم نشر صور عديدة تحت عنوان (بالصور نرد على شائعة استقالة المرشد العام) وأتعجب للغاية أليس الأفضل بدل التوسع في التضليل وأن (كله تمام علي طريقة الحزب الوطني) لماذا لا يتم توضيح حدوث خلاف حول تصعيد الدكتور العريان وحدوث كذا وكذا ...؟

(4)بالنسبة لموضوع اللائحة التي تمسك بها أعضاء مكتب الإرشاد الأفاضل أتساءل أين اللائحة وأعضاء مكتب الإرشاد الآن عددهم أكثر مما تنص عليه اللائحة ...؟

(5)وأين كانت اللائحة عندما يتم تعين بعض الأفراد النابهين بالأمر المباشر مثلما تم تعيين المهندس خيرت الشاطر عن طريق الأستاذ مصطفي مشهور ...!

لابد من المصارحة لوقف ما يحدث ...

ما يحدث من بعض القيادات بالجماعة لابد له من وقفة تجاه لأنه يسيء لهذا الكيان الضخم وفيه من المخلصين والشرفاء والمتجردين الكثير

الدروس المستفادة من هذه الأزمة:

(1) إعادة النظر في طريقة الانتخاب داخل الجماعة وتطويرها فطريقة الاختيار أصبحت غير مناسبة لجماعة في حجم جماعة الإخوان المسلمين ولابد من تفعيل نظام انتخابي جيد بمرشحين وبرامج ومبادرات بحيث يتم الانتخاب عن طريق الإمكانيات والفكر مع الصفات الأخلاقية وليس عن طريق السماع والتاريخ ...!

(2) إعادة بناء جهاز الجماعة الإعلامي والاستعانة بمجموعة يكون ولاءها للتميز المهني وللفكرة وليس ولاءها لأمر آخر؟

(3) قصر مدة المرشد وعضو مكتب الإرشاد علي فترتين فقط لدفع الحيوية داخل الجماعة ومنع عملية الاستيعاب داخل تكتلات..

(4) توجيه هذا المجهود والإجماع داخل مكتب الإرشاد للانتهاء من برنامج الحزب لأن فرصة 88 عضو في البرلمان لن تتكرر..

(5) تعيين متحدث إعلامي للجماعة لأن تضارب التصريحات وعدم وجود تنسيق إعلامي أساء بصورة بالغة للجماعة

(6) عمل آلية واقعية وحقيقية لتوصيل آراء ومقترحات القاعدة والصف الإخواني لمن يجلسون في قيادة الإخوان الجماعة ...

(7) أعادت هذه الأزمة التأكيد علي ثقل جماعة الإخوان ليس في الشارع المصري وحسب بل وعلي مستوي العالم في الاهتمام الإعلامي الضخم بهذا الحدث مما يعطي مسئولية أكبر للجماعة في أن تكون عند حسن ظن الكثير في فاعليتها وتأثيرها ..

(8) هناك دور إيجابي لابد من الإشادة به علي الرغم من كل الملابسات حول إستبعاد الدكتور العريان من دخول مكتب الإرشاد وهو تغليب المؤسسية داخل الجماعة علي رأي الفرد

(9) حسم موضوع اللائحة وإعادة صياغة البنود التي قد تحتمل أي تأويل والأهم من ذلك نشر هذه اللائحة للرأي العام حتي يكون شاهد علي وضوح وشفافية الإخوان

(10) مازال هناك من يري أن مصلحة التنظيم أهم من مصلحة الجماعة ومصلحة الجماعة أهم من مصلحة الأمة ولم يصل إلي مسمعه حتي الآن كلمات مثل الإنفتاح علي الأخر..بل وإستيعاب من يخالفني في الرأي ...!

تبقي كلمة أخيرة ... سنظل نتكلم عن عن التغيير والإصلاح داخل الإخوان ليس من باب الفت في عضد الإخوان ولكن من أجل: التقدم وفك الجمود …ومن أجل الانفتاح الحقيقي علي الأخر. والخروج من مفهوم التنظيم الضيق إلي رحابة المجتمع بكل أطيافه وأشكاله …والدفع بالشباب وتغيير الدماء .. فلن يحدث التغيير والإصلاح في بلادنا إلا إذا تم التغيير داخل هذا الفصيل الهام والقوي في الشارع المصري … ولن يكون هناك تطوير إلا بإستيعاب كل الأطياف المختلفة لذا يجب أن يكون هناك رأي ورأي أخر .. ومن حق الشعب علي هذه الجماعة أن يري ذلك واقعاً عملياً أمامه .. نعم …

إنترنت محدود....تخلف بلا حدود

أعتقد إن أغلب مستخدمي الشبكه العنكبوتيه تابعوا موضوع سياسة أم عادل اللي نزلتها وزارة الاتصالات بالتنسيق مع شركات الانترنت في مصر

وكان ملخص السياسه دي إنهم هيحددوا سرعات النت في مصر كلها

يعني مثلا اللي سرعته 512 هيبقي ليه داونلود 25جيجا شهريا فقط والجيجا الزياده ب10 بجنيه.....يا بلاش

وطبقا للسياسة بتاعة ام عادل دي ان كده هيبقي كل الانترنت في مصر محدود

وبهذا تكون أخذت مصر دور الرياده والسبق وحصري للشعب المصري موضوع تحديد الانترنت

بعد القرار دا لما نزل الصراحه كان فيه شباب كتيير إيجابيين سواء علي المنتديات أو الفيسبوك قاموا بعمل حملات كنسلة للخطوط وفضح لهذه السياسة والمؤامرة من شركات الانترنت بالتعاون مع وزارة الاتصالات لقرطسة الشعب

وكان نتيجة لهذه الحملات إن فيه ناس كتيير بالفعل كنسلوا اشتراكاتهم وناس تانيه قللت سرعاتها دا غير الوقفات اللي اتعملت امام مقرات بعض الشركات كنوع من انواع الاحتجاج علي القرطسه دي

رد فعل وزارة الاتصالات علي الاحتجاجات دي كان سريع الصراحه وقام الوزير طارق كامل في تصريح قال شوية حاجات في ظاهرها الحلاوة ولكن تفاصيلها لا تنم الا عن حكومة خبيثة ناوية تقرطس الناس يعني هتقرطسهم

الراجل قال ان الموضوع بتاع ام عادل دا هيتلغي واللي هيتعمل كتاتي:

الناس المشتركه بالفعل دي هتفضل زي ما هيا (العملاء القدامي) يعني داونلود زي مانت عاوز

الناس اللي هتشترك جديد (العملاء الجدد) دول هيطبق عليهم نظام ام عادل لمدة شهرين

وبعد الشهرين هيقيموا السياسه دي ومدي تطبيقها ونجاحها ويشوفوا هيعملوا ايه

ملخص خطة الحكومه هنا ايييه؟

انهم قسموا الناس وفرقوهم لعملاء جدد وقدامي

القدامي مش متضررين دلوقتي فهيسكتوا ويفرحوا لانهم زي ماهما داونلود زي مانت عاوز وعيش يا معلم

الجدد بقي فدول اللي بقوا حقل التجربة وهيطبق عليهم النظام الجديد ويا عيني قاعدين مقهورين لانهم مضطهدين

نيجي بقي بعد الشهرين الحكومه تقولك ان الراجل صاحب سياسة ام عادل وعادل و ابو عادل دا راجل عبقري

والسياسة اثبتت نجاحها الفوق الفظيع وتحت المريب لدرجة ان باقي دول العالم بيفكروا يستوردوها من عندنا

ولذلك احنا هنقرر السياسه دي علي كل مصر سواء جدد او قدامي

هنا بقي الناس الجدد الموضوع بالنسبه لهم هيكون عادي لانهم كده كده القرار مطبق اصلا عليهم بالعكس دا دلوقتي مبقاش فيه حد احسن من حد

نيجي بقي للقدامي اللي الموضوع هيطبقي عليهم لما يجوا يحتجوا ميين هيقف جنبهم؟

الجدد ماهو محدش وقف جنبهم وبالتالي مش هيقفوا جنبهم

كمان ساعتها هيبقي فيه شوية رسوم بيانيه وتقارير حكوميه بتوضح نجاح السياسة دي عشان يحطوها في عين اتخن طويل فيكي يا بلد

دا غير ان شهرين دوول كافيين لتنييم حماسة معظم الشباب دي

ويا شماته انترنت كافيه ام حسينوفيتش بتاع روسيا فينا

وبالتالي ان المفروض يحصل ان الناس تستمر في حملتها وثورتها ضد هذه السياسات ونصب الشركات دي علينا

وان كل المستخدمين يفضلوا علي اهبة الاستعداد لكنسلة خطوطهم مع استمرار وقوفهم جنب الناس اللي هتشترك من جديد زي ما حصل مثلا علي منتدي الديفيدي او علي جروب الحمله ع الفيس بوك

و النت خلاص ياعالم ...للغني والمريش

مع السرعه المحدوده ...كلنا هنروح نشيش

إدونا سرعه زياده ...وفرحنا بالإحسان

أهو لا بقي فيه أفلام...ولاحتي الشيخ حسان

وإيييييييييييييييييييييييييييييييييييييييه

أحلام أبوحفيظه ... هل ممكن تبقي حقيقه

إليكم عناوين الأخبار:
الجيش العربي الموحد يدخل تل أبيب ويرفع علم الوحده العربية خفاقا
رئيس منظمة الوحده العربيه يقر مساعدات مادية للاتحاد الأوربي تقدر ب 7مليارات عروبو
الفيلم التونسي العربي المشترك "صفاي قديش عيش الوهم المغرور قوي"يفوز ب3 جوائز أوسكار
مصر تفوز بكأس العالم لكرة القدم وشحاتة يرفض عرض بتدريب البرازيل

والآن مع النشرة :

بس أعتقد إن السيد أبوحفيظه نسي يقول إن كل ده تم في عهد السيد الرئيس جمال محمد جمال محمد حسني مبارك

حكام مصر ...بالتواريخ

"محمد علي باشا" تعد سنوات حكمه أطول سنوات قضاها حاكم في العصر الحديث- 43 عاماً- بعد أن ناهز عمره 80 عاماً .. اليوم (4 مايو 2009) يتخطى الرئيس "حسني مبارك" أيضا عامه الـ 80 بعام، وبفترة حكم تأتي الثانية في الترتيب بعد محمد علي..
بين الاثنين حكام تولوا الحكم .. فهل تعرف كم ظلوا متعلقين بالحكم؟ وكيف تركوه؟ .. ذلك ما سنعرضه خلال السطور التالية..


1- محمد علي باشا (1805-1848)= 43 عاماً
يعتبر هو الحاكم الوحيد الذى اختاره الشعب بنفسه، دون تزكية أو ترشيح من جانبه لهذا المنصب.

تولى حكم مصر في 17 مايو 1805 نجح فى إدخال مصر عصر النهضة الحديثة، بطلب من رجال الأزهر والفكر في مصر، وشهد عهده استقراراً وتقدماً ونهضة في جميع النواحي الاجتماعية والتعليمية والصناعية والعسكرية، حتى أن أوروبا خافت من امتداد نفوذه إليها فقرروا التحالف ضده فيما عرف بمعاهدة 1840، بعدها تقدم به العمر، وبدأت تصيبه نوبات (خرف)، فتنحى عن الحكم عن عمر يناهز 79 عاماً.

2- إبراهيم باشا (يوليو - نوفمبر 1848)= 7 أشهر
بعد تنحي محمد علي باشا عن الحكم، تولى ابنه بالتبني إبراهيم باشا، الحكم، إلا أن فترة توليه للحكم لم تجتز 7 أشهر، ليتوفى عن عمر يناهز الستين عاماً، وذلك من يوليو حتى 10 نوفمبر 1848.

3- الخديوي عباس باشا الأول (1848-1854)= 6 سنوات
تولى عباس باشا الأول الحكم في عام 1848، إلى أن أغتيل في قصره عام 1854 عن عمر ناهز الأربعين عاماً، يوصم عهده بالرجعية، ففيه أصيبت حركة التقدم والنهضة التي ظهرت في عهد جده محمد علي باشا بالشلل، ثم تم اغتياله.

4- الخديوي سعيد باشا (1854-1963)= 9 سنوات
إثر اغتيال عباس باشا الأول تولى الخديوي محمد سعيد باشا الحكم ليلة 24 يوليو 1854، وقام بتأسيس البنك المصري بأموال أجنبية، ووافق على حفر قناة السويس، وقام بإغلاق المدارس العليا قائلاً جملته الشهيرة: "أمة جاهلة أسلس قيادة من أمة متعلمة"، توفى عن 41 عاماً.

5- الخديوي إسماعيل باشا (1963-1879)= 16 سنة
بدأت فترة حكم الخديوي إسماعيل في 18 يناير 1863 إلى أن خلعته إنجلترا عن العرش في 1879، وخلال فترة حكمه التي قاربت الـ 16 عاماً، أعطى مصر دفعة قوية للمعاصرة، إلا أنه أغرقها في الديون، وتوفي عن عمر 65 عاماً.

6- الخديوي توفيق باشا (1879-1892)= 13 سنة
تولى الحكم على إثر خلع إسماعيل من الحكم، هو الابن الأكبر للخديوي إسماعيل، وقام بإقصاء جميع رجال أبيه بعد جلوسه على العرش، وكان من المؤيدين للاحتلال البريطانى لمصر، وبعد قضائه 13 عاماً في حكم مصر، وافته المنية بحلوان وكان يبلغ آنذاك 40 عاماً.

7- الخديوي عباس حلمي الثاني (1892-1914)= 22 سنة
يعرف بوطنيته وسعيه للتخلص من الإنجليز، ومحاولته رفع شأن مصر اجتماعياً وثقافياً وفكرياً، وفي عهده شكلت أهم الجرائد والصحف، ونشر رجال الفكر مثل محمد عبده وجمال الدين الأفغاني وقاسم أمين أهم أفكارهم، للحرية التي أتاحها للمثقفين والأدباء، وفي عهده أنشئت جامعة القاهرة بأموال المتبرعين من العائلة المالكة إيماناً بأهمية العلم والتعليم، وبسبب وطنيته وحبه لمصر، عزل في 19 سبتمبر 1914. بقرار من قوات الاحتلال البريطاني، بعد أن لاحظ الإنجليز، ميوله نحو الأستقلال بالبلاد، وتقربه و شعبيته وسط المصريين، ثم توفى عند بلوغه الـ 70 عاماً.

8- السلطان حسين كامل (1914-1917)= 3 سنوات
قامت سلطات الاحتلال، بتنصيب حسين كامل، ابن الخديوى إسماعيل، سلطاناً علي مصر، حكم مصر لمدة 3 أعوام، شهد العالم خلالهم أول 3 أعوام من الحرب العالمية الثانية ومشاركة تركيا لقوات المحور ضد الحلفاء والإنجليز، ومحاولة استعانة الإنجليز بالجنود المصريين في الحرب، وتوفى عن عمر يقارب 64 عام.

9- الملك فؤاد الأول (1917-1936)= 19 سنة
عندما تولى فؤاد الأول العرش، قام بتغير اللقب وأصبح من سلطان إلى ملك، وفي عهده تغيرت ملامح مصر، وشهدت أيام من الديمقراطية وتبادل السلطة، بين حزب الوفد والأحزاب الأخرى، كما شهدت سنوات حكمه الأولى ثورة 1919 التي أعقبها حراك سياسي لم تشهد مصر له مثيل طوال تاريخها.

توفى الملك فؤاد في قصر القبة في 28 أبريل 1936، عن عمر 70 عاماً، ودفن في مسجد الرفاعي، وذلك بعد توليه مقاليد الأمور في مصر، لمدة 19 عام.

10- الملك فاروق (1936-1952)= 16 سنة
تولى العرش في السادسة عشر من عمره ، وظل على كرسي العرش، لمدة 16 عاماً، إلى أن أرغمته ثورة 23 يوليو 1952 على التنازل عن العرش لإبنه الطفل أحمد فؤاد والذي كان عمره حينها ستة أشهر والذي ما لبث أن خلع، وبعد تنازله عن العرش أقام فاروق في منفاه بروما، وذلك إلى أن توفي عن عمر 45 عاماً، وأوصى بدفنه في مصر.

كان سنوات حكم الملك فاروق مليئة بالأحداث السياسية الكبيرة، ففيها قامت دولة إسرائيل ونتيجة لذلك شنت مصر بمساندة عربية حرب 1948، بنوايا طيبة، ورغم نجاحها عسكرياً إلا أنها خسرت الحرب، وسيطر اليهود على فلسطين، كما شهدت أعوام عرشه الحرب العالمية الثانية، فساند فاروق ألمانيا بمعلومات استخباراتية نكاية في الإنجليز الذين لم يتعايشوا مع فاروق جيداً، وداخلياً عاشت مصر سنوات من تداول السلطة ونشر الثقافة والمعرفة.

11- محمد نجيب (1953-1954)= سنة
بتحويل مصر من ملكية إلى جمهورية، تولى محمد نجيب الحكم كأول رئيس لمصر، بعد قيام الثورة، ولم يستمر في الحكم إلا لمدة عام تقريباً حتى عزله مجلس قيادة الثورة ووضعه تحت الإقامة الجبرية بقصر الأميرة نعمة بضاحية المرج، وتوفى عن عمر يناهز 83 عاماً دون أن يجد من يحتفي به وبتاريخه، إذ كان صاحب شرارة إطلاق الثورة.

12- جمال عبد الناصر (1954-1970)= 16 سنة
يعتبر جمال عبد الناصر، واحداً من أكثر زعماء القرن العشرين إثارة للجدل، بين منحازين لإنجازاته، ومنددين بسياساته، فمن إيجابيات سنوات حكمه مساعدته كثير من دول العالم العربي ودول إفريقيا وآسيا وأمريكا اللاتينية على الاستقلال من الاستعمار، كما اعترف بحق الفقراء والفلاحين في ثراوات مصر الزراعية والصناعية وألغى الإقطاع ونشر التعليم المجاني.

لكن نفس هذه السياسات كان لها وجهها السلبي، فنشر التعليم المجاني أفرز خريجيين عديمي الخبرة، ورفع من شأن من ليس لهم وزن فكري أو ثقافي، كما جاءت سياسة التأميم بدون تخطيط إلى تعريض مصر إلى عدوان ثلاثي عام 1956، ثم جاءت عنترية ناصر لتعرض مصر من جديد لعدوان غاشم من إسرائيل 1967، في ظل أوضاع سياسية غير مستقرة، نكل فيها بمعارضيه وأودعهم السجون العسكرية القاسية، خاصة الإخوان والشيوعيين، وتوفى في 28 سبتمبر

13- محمد أنور السادات (1970-1981)= 11 سنة
يعرف ببطل الحرب والسلام، تولى في 15 أكتوبر 1970 الحكم وشن أكبر حرب على إسرائيل في 1973 وحقق فيها انتصارات عسكرية كبيرة، ثم قام عبر مفاوضات السلام باستعادة سيناء، فيما عرفت بمعاهدة كامب ديفيد التي يعزى إليها الآن خروج مصر من القضية الفلسطينية، واقتصار دورها على لعب دور الوسيط فقط، ونتيجة لهذه المعاهدة، قامت مجموعة إرهابية باغتياله في حادث المنصة الشهير، أثناء عرض عسكري في ذكري انتصارات أكتوبر، ليتوفاه الله عن عمر 61 عاماً .

14- محمد حسني مبارك (1981- )= 28 سنة (ولسه)
شغل صوفي حسن أبو طالب، منصب قائم بأعمال رئيس الجمهورية‏ لمدة ثمانية أيام عقب اغتيال السادات، حتى تسلم منه، محمد حسني سيد سيد إبراهيم مبارك والمعروف باسم حسني مبارك، رئاسة جمهورية مصر العربية منذ 14 أكتوبر 1981.

تقلّد الحكم في مصر وقيادة القوات المسلحة ورئاسة الحزب الوطني الديمقراطي، وفي عهده سجلت مصر تقدماً في عدد من المجالات، لكنها تراجعت على مستوى النمو الاقتصادي، وسجلت معدلات فقر وجهل ومرض لم تشهدها طوال أيام العصر الحديث.

موقع عشرينات

وختاما .... إلي السيد الرئيس محمد حسني مبارك في ذكري ميلاده:

ياللي وريت الفؤاد أيام أليمه...انت والفؤاد علي الجزمة القديمه

منوفية أوروبا

طبيعه عند الشعب المصري إن السائح اللي جاي مصر دا حاجه فخمه ومفتخره
ولما نشوف حد منهم في الشارع بنبقي بنقعد نبص عليه ونبحلقله
وبنبقي كمان عاوزين نروح نقوله هالووووووو

مع انه اساسا السياح اللي بيجوا مصر دول هم افقر سياح في العالم
عشان كده بيجوا هنا في مصر

الموقف اللي هقوله دلوقتي دا بيدلل علي كلامي وهو حصل ادام عيني في محطة مترو الدقي
كنت انا وصاحبي نازلين المحطه وبعدين شباك التذاكر كان زحمه
جه بقي واحد سائح ابيضاني كده و وشه محمر شويه
شافه واحد لابس جلبيه بلدي انبهر بقي بالسائح وحب يعمل معاه واجب جدعنه مصري
قام قاطعله التذكره عشان ميقفش في الطابور بتاع التذاكر
دا مهما كان برضه ضيف عندنا ولازم نكيفه ونروقه
عمنا الراجل ابو جلبيه بلدي راح بكل فشخره عشان يدي للراجل السائح التذكره
وياخد منه الجنيه اللي ماسكه في ايده وكتر خيره انه وفر عليه وقفة الطابور
واهو بالمره يسمع الكلمه اللي نفسه يسمعها ثانك يو
الراجل مد ايده واداله التذكره والسائح بابتسامه بسيطه قاله ثانكس
عمنا ابو جلبيه فرح جدا وكان هيطير من الفرحه والراجل السائح مشي وسابه ومدالوش الجنيه
الراجل هنا كشر تكشيره سوده وراح بعلو صوته وقايل

عليا النعمه انت من منوفية أوروبا

انا سمعت الجمله دي وفطست علي نفسي من الضحك من هول المنظر وفجاعة الموقف
وطول مانا راكب بقي في المترو سؤال واحد عمال يدور جوايا ومش لاقيله اجابه ألا وهو

أين تقع منوفية أوروبا ؟؟؟

ستي أم عطا

القصيده دي للشاعر العبقري اللي بحبه جدا تميم البرغوثي ...وانا اخترت القصيده دي بالذات لأني بحبها جدااااااا


طمنوا ستي أم عطا بأنه القضـية من زمان المندوب وهي زى ما هية
(منذ إعلان الوصايه والمندوب البريطاني)

لسه بنفاصل القنـاصل علـيها زى ما بتفـاصلي مع الغجريه
(لسه بنتفاوض بالقناصل جمع قنصليه على القضية)

لكـن اطمـني وصـلنا معاهم بين ستة وستة ونص في الميـة
(ده اللي أخدناه من مساحة الأرض كلها)

بطلـع لهم يا ستي حيـفا ويـافا ولنا خرفيش وسيسـعة بـرية
(خرفيش و سيسعة برية نوع من الأعشاب المشهورة بفلسطين تنبت في مناطق غير مأهولة...يعني هم خدوا اجمل المناطق بفلسطين واعطونا هذه المناطق الجافه)

ولنا دولة يحرسـها طير السـنونو يا أم عطا ولبسوه رتب عسكرية
(السنونو هنا هو رئيس فلسطين)

والسنونـو إله نمو اقتصـادي والسنونـو إلـه خطط أمنـية
(السنونو محضر لفلسطين النمو الاقتصادي و الخطط الأمنية .........تريقه يعني)

والسنونـو عم ينبذ العنف ويعلن التزامه الكـامل بالاتفــاقية

ولنا برضه يا سـتي سجـادة حمرا تالسنونـو يأدي عليها التحـية
(السجادة الحمرا إلي بيمشي عليها الملوك .....برده بيتريق)

والنـا قمة يدعـو إليها السنـونو يعقدوها في الجامـعة العربيـة

حيـوا برج الحمام وحيوا حمامه من ملوك المحبـة والأخــوية

يا حمـام البـروج ويا مواليـنا يا دوا الجـرح ويا شـفا البردية
(البردية يعني البرد)

يا شـداد الخطـر على أعـادينا وحبكو إلنا حب قيـس للعامرية

راح أقول اللي قالوا طوقان قبلي أخو فدوى وبن الأصول الزكية
(طوقان إلي هو اخو الشاعرة الفلسطينية فدوى طوقان و هو إلي حكي أخر مقطع من بيت الشعر)

في يـدينـا بقيـة من بـلادٍ فاستريحوا كي لا تضيــع البقية

مصطلحات بقرية

الاشـتـراكـيـة
أن تكون لديك بقرتان تعطي واحدة لجارك

الـشـيـوعـيـة
أن تكون لديك بقرتان فتأخذ الحكومة الاثنتين وتمنحك بعض اللبن

الـفـاشـيـة
أن تكون لديك بقرتان فتأخذ الحكومة الاثنتين وتبيع لك بعض اللبن

الـنـازيـة
أن تكون لديك بقرتان فتأخذ الحكومة الاثنتين وتعدمك

الـبـيـروقـراطـيـة
أن تكون لديك بقرتان فتأخذ الحكومة الاثنتين وتقتل واحدة وتحلب الأخرى وتلقي باللبن بعيدًا

الـرأسـمـالـيـة
أن تكون لديك بقرتان فتبيع واحدة وتبتاع ثورًا، من ثم ينمو القطيع فتبيعه وتتقاعد معتمدًا على الدخل

أمـريـكـا
أن تكون لديك بقرتان فتبيع واحدة وترغم على الأخرى أن تعطيك لبن أربع بقرات ثم تستأجر خبيرًا استشاريًا لفهم لماذا ماتت البقرة

فـرنـسـا
أن تكون لديك بقرتان فتعلن الإضراب لأنك تطالب بثالثة

الـيـابـان
أن تكون لديك بقرتان تعيد تصميمهما جينياً بحيث تصير عشر حجم البقرة العادية مع مضاعفة اللبن عشرين مرة. ثم تبتكر شخصية بقرة للرسوم المتحركة اسمها (كاوكيمون ) وتسوقها في العالم كله

ألـمـانـيـا
أن تكون لديك بقرتان ، تعيد تصميمها جينيا بحيث تعيش مائة عام وتحلب نفسها وتأكل مرة واحدة بالشهر

إيـطـالـيـا
أن تكون لديك بقرتان لكنك لا تعرف أين هم ثم تكف عن البحث لأنه حان وقت الغداء

روسـيـا
أن تكون لديك بقرتان تعدهما فتجد أن لديك خمس بقرات، فتعد من جديد فتجد أن العدد 42. فتعد من جديد فتجد أنهما بقرتان.. تتوقف لتفتح زجاجة فودكا أخرى

سـويـسـرا
أن تكون لديك 5000 بقرة لا تملك واحدة منها. لكنك تتقاضى من الآخرين ثمن الاحتفاظ بها

الـصـيـن
أن تكون لديك بقرتان ولديك 300 واحد لحلبهما. تنشر أخبار عن انعدام البطالة وتقدم صناعة الألبان.وتعتقل الصحفي الذي نشر الأرقام الحقيقية

الـهـنـد
أن تكون لديك بقرتان وأنت تعبدهما

بـريـطـانـيـا
أن تكون لديك بقرتان مجنونتان

سـوريـا
أن تكون لديك بقرتان حليب البقرة الأولى يذهب لمعلم ابنك في الجيش وحليب البقرة الثانية بشكل دوري لمؤسسات الدولة التي لك فيها عمل

الـخـلـيـج
أن تكون هناك بقرتان ويكون لهما مدير هندي وحارس مصري وراعي سوداني وتدرج في البورصة

الـفـلـبـيـن
أن يكون هناك بقرتان ثم يرسلونهما إلى الخليج للعمل

مـصـر

أن تكون لديك بقرتان كلتاهما ذهبتا لمبايعة مبارك

أحمد عبدالعزيز

أن يكون لديه بقرتان فتموتا وميعرفش يستفيد منهم بحاجه لأنه فقري

انجازات مبارك

الأحوال المالية

ديون : إجمالي 614 مليار جنيه

الفقر : 35% من الشعب تحت خط الفقر أقل من1 دولار في اليوم

نقود مهربة : 300 مليار دولار خرجت من البلاد

الجنيه المصري : الدولار= 85 قرش سنة1981م و 6 جنيهات سنة 2005 م

الأحوال الصحية

السرطان : تضاعف 8 مرات .. أعلى نسبة في العالم

الذبحة الصدرية :20 % من الحالات شباب تحت الأربعين

البلهارسيا : أعلى نسبة في العالم

السكر : ‏7‏ ملايين .. ‏10 %‏ تقريبا من عدد السكان

إلتهاب كبدي : 13 مليون .. 20 % من الشعب

فشل كلوي : أعلى نسبة في العالم

شلل الأطفال : موجود في 6 دول في العالم فقط منهم مصر

الإكتئاب : ‏20‏ مليون مواطن

أمراض نفسية ( أخرى) : ‏6‏ ملايين

التدخين : 80% من البالغين مدخنين

التلوث : أعلى نسبة في العالم ... تلوث للهواء ومياه الشرب

والتدهور في التربة والمناطق الساحلية .. خسائر 30 مليار جنيه

الانفاق الحكومي : 10 دولار للفرد سنوياً

الأحوال الاجتماعية

القضايا : 20 مليون قضية بالمحاكم .. أقدمها من 38 عام حتى الاّن

البطالة : 29% من القادرين على العمل .. حوالي 5 مليون شاب

الانتحار : 3 اّلاف محاولة سنوياً

حوادث الطرق : 6 آلاف قتيل سنويا و 23 الف مصاب

الطلاق : 28%

العنوسة : 7 مليون عانس .. 4 مليون فوق 35 عام

الهجرة : 4 ملايين مهاجر : 820 ألفاً من الكفاءات و 2500 عالم في تخصصات شديدة الأهمية .. 6 ملايين طلب هجرة للولايات المتحدة وحدها سنة 2005

الأُمية ( الحالية) : 26% من الشعب المصري

الأُمية ( المستقبلية) : 7% من الأطفال لا يدخلون المدارس بسبب الفقر .. غير الهاربين بعد الدخول

التعليم : دروس خصوصية ، كتب خارجية ، جامعات خاصة للربح فقط

عمالة الأطفال : نصف مليون طفل

أطفال الشوارع : تقرير الأمم المتحدة : 100 ألف طفل

عشوائيات : 45% من الشعب يسكن العشوائيات.. 35 منطقةعشوائية بالقاهرة فقط

موظف الحكومة : تحت خط الفقر ويؤخذ منه ضرائب( ستة جنيهات متوسط دخل الموظف يومياً )

المخدرات : 6 مليار دولار سنوياً في تجارة المخدرات

مشاكل أخلاقية

رشوة، محسوبية، بلطجة، توريث المهن، عُري زواج عرفي , قتل الأزواج ، امتهان وتحرش بالنساء ، ألفاظ بذيئة ، صحافة جنسية غش جماعي وجريمة و تسول

الأحوال السياسية

سيطرة وفساد النخبة الحاكمة ، مراكز قوى ، الإعداد لتوريث الحكم ، تزوير انتخابات ، قمع المعارضة ، اعتقالات ، تعذيب حتى الموت ، انتهاك لحقوق الإنسان ، إلغاء دور النقابات والجمعيات الأهلية

مشاريع قومية متوقفة او خاسرة

القضاء على الأمية قبل عام 2000 ، زراعة الصحراء الغربية بالقمح (مشروع اليابان)

وادي السليكون، محطة الطاقة النووية، جامعة د/ أحمد زويل (التكنولوجيا)

فوسفات أبو طرطور ,وادي توشكى

أكثر من 2,3 مليار جنيه خسائر بشركات القطن

و 8 مليارات جنيه خسائر شركات الغزل والنسيج

و 12 مليار جنيه العجز الإجمالي لسكك حديد مصر

خسائر 10 مليارات جنيه بقطاع الإذاعة والتلفزيون

الأزمــــــــــــــات

فساد ,تعليم، إسكان، زواج، بطالة، صحة، أخلاق، ضمير، مرور , مياه نظيفة، صرف صحي، البناء على الأرض الزراعية، تصحر، زحام ,غلاء, انخفاض احتياطي النقد

الأرض الزراعية

تم تجريف مليون و200 ألف فدان أرض خضراء من 5000 سنة من أصل 6 مليون فدان

الأمن والشرطة

قانون الطوارىء : 25 سنة طواريء .. في خدمة الشعب

وفي النهايه يا فرعون إيه فرعنك قال ملقتش حد يلمني

حماده عزو واليوم السابع

يمكن أغلبنا يعرف موقع جريدة اليوم السابع وبصراحه من ساعة لما الموقع اتفتح وانا بتابعه با ستمرار
لكن الملفت للنظر انه انا ملاحظ والكثيرين ايضا انه الجريده بتتفنن في احداث فتنه بين المسلميين والمسيحيين
وانا بوصفها بأنها متعمده يعني ميعديش يومين تلاته بالكتير الا لما يجيبوا مقاله او خبر فعلا مش وراه غير فتنه وخلاص دا غير ان العنوان طبعا بتاع المقاله ده يشدك اوي وتلاقي التعليقات بسم الله ما شاء الله كتيييير وبصراحه مش عارف ايه هدف الجريده من ورا اثارة المواضيع دي وكان اخرها موضوع التكفير والنصارى والجزية.. كلمات من التراث الإسلامى.. تغضب الأقباط
سبحان الله المسلمييين والمسيحيين عايشيين هنا في مصر محدش سمع عن المواضيع دي خالص ولا اتكلم فيها ولا حد اتدايق
تيجي بقي ليه اليوم السابع وتتكلم في موضوع زي ده الله أعلم
ومواضييع كتيير من عينة المواضييع دي ان المسيحيين مظلوميين ومقهوريين والاعجاز العلمي في الانجيل وشاب مسيحي سرق واحد مسلم وشاب مسلم عاكس فتاه مسيحيه وافلام هندي كتيير كده مبيجيش من وراها غير تداخل وسباب بين بعض المعلقين من الطرفين او سب الجريده نفسها لاثارتها المواضيع دي

اعتقد انه في مصر مسلميين ومسيحيين نحيا جميعا في اضطهاد وظلم وقهر في ظل هذا الحكم الطاغي الذي لا يفرق بين مسلم ومسيحيي

وفي النهايه... مرة واحد مسيحي راح للريس, قاله يا ريس هو ممكن واحد مسيحي يبقى رئيس جمهورية؟ قاله و لا مسلم يا روح امك

في ذكري استشهاد مؤسس حماس

اليوم هوه 22 مارس الذكري السنويه لاستشهاد الشيخ المجاهد أحمد ياسين مؤسس حركة حماس

وبمناسبة هذه الذكري سوف أقوم بعرض بعض المعلومات عن هذه الحركه والتي أبهرت الجميع في الحرب الأخيره علي غزة ومقاومتها الشرسه للعدوان الصهيوني

التعريف:

حماس حركة إسلامية جهادية فلسطينية، نشأت في مدينة غزّة بفلسطين، ثم انتشرت في كافة أرجاء الأرض المحتلة. وكما جاء في ميثاق الحركة الذي أصدرته في 1 محرم 1409هـ 18/8/1988م، فإنها تعد جناحاً من أجنحة الإخوان المسلمين بفلسطين

التأسيس وأبرز الشخصيات:

أعلنت حماس في بيانها الأول الذي صدر يوم 14 كانون الأول ديسمبر 1987م بأنها الذراع الضارب لجماعة الإخوان المسلمين في فلسطين المحتلة، وهددت العدو اليهودي بأنها ستقابله بعنف أشد كلما اشتد عنفه.. مؤكدة أن الإسلام هو الحل العملي لقضية فلسطين، وأنها ترفض إضاعة الجهد والوقت في الركض وراء الحلول السلمية والمؤتمرات الدولية الفارغة.

ومن أبرز شخصياتها التي أعلنت حتى الآن:

الشيخ أحمد ياسين: وهو رجل مقعد ، ويعد المؤسس لحركة حماس وقائدها الأول، قبض عليه اليهود عام 1984م في غزة لوجود أسلحة في منزله كانت معدة للمواجهة العسكرية مع الصهاينة وحكم عليه بالسجن عدة سنوات. ثم اغتاله اليهود أخيرًا - رحمه الله - .

الأفكار والمعتقدات:

إن أفكار ومعتقدات حركةحماس تتمثل في ميثاقها الأول الذي أعلنته يوم 1 محرم 1409هـ/ 15/8/ 1988م. ويمكن أن نجملها فيما يلي:

ـ حركة المقاومة الإسلامية: الإسلام منهجها ، منه تستمد أفكارها ومفاهيمها وتصوراتها عن الكون والحياة والإنسان وإليه تحتكم في كل تصرفاتها ومنه تستلهم ترشيد خطاها (المادة الأولى).

ـ حركة المقاومة الإسلامية: حركة إنسانية، تلتزم بسماحة الإسلام، وترى أنه في ظل الإسلام يمكن أن يتعايش أتباع الديانات جميعاً. آمنين على أنفسهم وأموالهم وحقوقهم.

ـ إن أرض فلسطين وقف إسلامي على أجيال المسلمين إلى يوم القيامة، لا يصح التفريط فيها أو في جزء منها أو التنازل عنها أو عن جزء منها، ولا تملك ذلك دولة عربية أو كل الدول العربية ولا يملك ذلك ملك أو رئيس أو كل الملوك والرؤساء، ولا تملك ذلك منظمة أو كل المنظمات سواء كانت فلسطينية أو عربية.

ـ جهاد اليهود في فلسطين فرض عين على كل مسلم ومسلمة، وتخرج المرأة للقتال بغير إذن زوجها.. ولا حل للقضية الفلسطينية إلا بالجهاد .

ـ معارضة المبادرات وما يسمى بالحلول السلمية للقضية الفلسطينية فهي مضيعة للوقت، وعبث لا طائل منه.

ـ للمرأة المسلمة دور في معركة التحرير لا يقل عن الرجل، فهي مصنع الرجال ومربية الأجيال على القيم والمفاهيم الأخلاقية المستمدة من الإسلام.

ـ احترام الرأي الآخر في الحركات الإسلامية الأخرى ما دامت تصرفاتها في حدود الدائرة الإسلامية.

وهذا الميثاق يتكون من 36 مادة من أهمها اعتبار منظمة التحرير الفلسطينية من أقرب المقربين إلى حركة المقاومة الإسلامية ولكنها لا توافقها في تبنيها للفكرة العلمانية.

الجذور الفكرية والعقائدية:

أعلنت حماس في ميثاقها (المادة الثانية): أنها جناح من أجنحة الإخوان المسلمين بفلسطين، فجذورها الفكرية والعقائدية تمتد ضمن التصور الإسلامي للكون والإنسان والحياة . ( ويلحقها ما يلحق جماعة الإخوان من مؤاخذات ) .

ويتضح مما سبق:

أن حركة حماس إسلامية جهادية فلسطينية، نشأت في غزة بفلسطين ثم انتشرت في كافة أرجاء الأرض المحتلة، وقائدها الأول هو الشيخ أحمد ياسين ر رحمه الله - ، وتتخذ الحركة من الإسلام منهجاً لها. وهي حركة إنسانية تلتزم بسماحة الإسلام وترى أنه في ظل الإسلام يمكن أن يتعايش أتباع الديانات جميعاً. كما أن أرض فلسطين تعتبر أرض وقف إسلامي على أجيال المسلمين إلى يوم القيامة ولا يصح التفريط فيها أو في جزء منها أو التنازل عنها أو عن جزء منها، فلا تملك ذلك دولة عربية أو كل الدول العربية، وجهاد اليهود في فلسطين هو فرض علين على كل مسلم ومسلمة.

رحمك الله يا شيخنا وقائدنا

قسما يا سيدي سوف أبقي موالي رغم جور الليالي

ليه حماده عزو؟؟

بسبب مشكله تقنيه جوجليه مهلبيه حمصيه

كان لازم اغير اسم المدونه وقلت طالما هغير اسم المدونه اغير الاستايل العام بالمرة

ولما فكرت اني اختار اختارت حماده عزو

واختياري للاسم ده له شوية اسباب مش مهم أقول إيه هيا

لكن المهم هوه إنه بقي ده إسم المدونه الجديد

محاكمة الرئيس مبارك

أصدرت اليوم محمكة الجنايات الدوليه مذكرة اعتقال ضد الرئيس المصري محمد حسني مبارك
بناء على طلب من المدعي العام للمحكمة بتهمة انتهاكه لحقوق الانسان وتردي الاوضاع المعيشيه وكبت الحريات وملأ السجون بالاف المعتقلين وتشريد الاف الاهالي والمساعده في حصار غزة ومسئوليته عن تدمير كل أحلام الشعب

هتعمل ايه لو صحيت يوم من النوم وقريت الخبر ده؟؟؟؟؟

هل هنفرح ونهلل ونقول جه الخلاص من الظلم والظالم وهيغور منها اللي سارقها؟
هل هنفرح لانه التغيير جه فعلا وهيتحاكم اللي ظلم وافتري حتي لو كان الحاكم من بره ؟

ولا الوضع هيكون مختلف شويه

يعني مثلا هل ساعتها هنقعد نهتف بإسم الرئيس ونمشي في الشوارع ونهتف بالروح بالدم نفديك يا مبارك؟
هل ساعتها الرئيس هيعمل مؤتمر جماهيري ويحضره مثلا مليون واحد بس ميكونوش من الحزب الوطني؟

يا تري لو التغيير جه من بره هنقبله ونرضي بيه ولا هنرفضه؟

انا عن نفسي بحب المثل الشعبي اللي بيقول

أدعي علي ابني وأكره اللي يقول آمييين

اتفاقية ام ترتر

يمكن أغلبنا كان سمع عن إن الحكومه المبجله بتاعتنا قفشت قصدي صادرت من أيمن طه القيادي بحماس حوالي 11 مليون دولار

ودي كانت تبرعات رايحه لأهل غزة وازاي طبعا الفلوس دي تخش لاهل غزة ودا بيتنافي تماما مع الاتفاقيه اللي موقعاها مصر مع الصهاينه

والمسماه باتفاقية أم ترتر

واللي من بنودها تجويع وقتل الشعب الفلسطيني ودلدلة الرأس للصهاينه

ومد يد العون والمساعده لاقامة الدوله المزعومه من النيل للفرات

بس دا طبعا عند ام تي تي مش ام ترتر....... فيه فرق بين الاتنين طبعا

الحكومه ساعتها اتحججت وقالت إنه لازم الفلوس دي تدخل البنوك المصريه وناخد إذن من وزير الماليه عشان يسمح لتحويلها لبنوك غزة ومن هناك بقي يتم صرفها ........ياعيني علي الصبر

ودا اعمالا بالحكمه اللي بتقول ودنك منين يا جحا

اللي حصل بقي من يومين ان الحكومه الامريكيه صادرت الفلوس دي كلها واللي كانت موجوده بالبنك الاهلي ودا تحت بند ان حركة حماس منظمه إرهابيه وعليها تعويضات تقدر ب116 مليون دولار نتيجة العمليات الارهابيه اللي بتعملها

نفسي اقول كلمه مش ولابد بس للأسف أنا متوضي

واحده بتسالني بتقولي طب وده تحت اي قانون ان امريكا تعمل كده

طبعا انا قلتلها ان ده من بنود اتفاقية ام ترتر واللي برده من بنودها

إنك طالما هتدلدل راسك للصهاينه يبقي من الاولي بيك انك تدلدلها لامريكا وبناء علي البند ده امريكا صادرت الفلوس

طيب انا دلوقتي عاوز افهم حاجه

لحد امتي هتفضل الحكومه تتصرف بالتعنت والهمجيه والموالاه التامه للصهاينه بالشكل ده؟؟

ولحد امتي فصائل المعارضه المصريه هتفضل ترقص علي السلم والناس هناك بتموت مش لاقيه لقمة العيش؟؟

ولحد امتي هيفضل الشعب عايش في سلبيه ولا مبالاه تجاه قضية فلسطين وتحرير الأقصي؟؟

وفي الاخر عاوز اقول اخر واهم بند من بنود اتفاقية ام ترتر

علي كل من يقرأ التدوينه دي أن يدفع لصاحبها كل اللي في جيبه وهو بيقراها لانه مزنوق شويه الايام دي

والدفع كااااااااااااااااااااش

النور مكانه في القلوب

من بين براكين السواد اللي احنا بنشوفها في حياتنا

وقرف العيشه اللي احنا عايشنها

ربنا بيبعت للواحد ومضات تضئ له حياته

بموقف يحصللك بكلمه تتقالك بشعور تحسه

المهم إن الواحد ساعتها بيعرف إنه

مادامت هناك حياه هناك أمل

ومش هنساها أبدا يا فداء

"النور مكانه بالقلوب يا أحمد"

النور مكانه في القلوب

احضن خيوط شمس الغروب

يا تكون قد الحياة

يا تعيش وحيد وسط الدروب

اليأس ضعف وخوف جبان

لكن الأمل يفتح بيبان

يا تكون قد الحياة

يا تعيش وحيد وسط الدروب

المس خضار الشجر

حس بضياء القمر

انقش قلوب على الحجر

علي شيء ما تندمشي

يمّك قوام عديه

امشي الطريق امشيه

العمر ايه يرويه غير قلب مايخافشي

النور مكانه في القلوب

احضن خيوط شمس الغروب

يا تكون قد الحياة

يا تعيش وحيد وسط الدروب

فيه ناس كتير ترضي المصير

وناس تشوف بضمير ضرير

يا تكون قد الحياة

يا تعيش وحيد وسط الدروب

حلي مرار الأيام

لسه الحياة قدام

قوم لون الأحلام

واوعى ماتضحكشى

جسدك فى قلبه الروح

تداوي كل جروح

بالسر اوعى تبوح

وإياك متحلمشى

وظهرت علي حقيقتك يا عمرو

أكيد طبعا أغلبنا شوفنا الفيديو ده وشفنا قد إيه إن أردوجان بجد رجل في زمن ندر فيه الرجال

بس اللي أنا عاوز أعلق عليه هنا مش أردوجان ولكن هوه عمرو موسي

لو لاحظنا لما أردوجان قام هنلاقي ان موسي خدته الحماسه وقعد يصقف لحد ما إيده وجعته يعيني

لا وقام كمان سلم علي اردوجان بس اردوجان ساعتها قله دا اللي انتي شاطر فيه اقعد يا خيبتها وسابه ومشي

ساعها عمرو موسي فكر شويه امشي زييه ولا اقعد خد خطوة لقدام وبعديها خطوه لورا في تردد واضح

بس ساعتها بان كي مون قاله رايح فين انت عندك عيال خاف عليهم

قال اه صح انا عندي عيال وعاوز اربيهم وراح قاعد علي الكرسي تاني

طيب انا عاوز افهم حاجه لما هوه قام وعمل فيها البطل المغوار وسلم علي اردوجان معني كده انه بيؤيد اللي عمله ده

طب ليه معملش زييه

سبحانك يا ربي وكأن الله يأبي أن يصنع منه بطل لانه ميستحقش فعلا انه يكون بطل

ويفضحه قدام العالم كله عشان اللي كانوا عمالين يقولوا عاوزين عمرو موسي رئيس جمهوريه يسكتوا وميفتحوش بقهم

أعتقد انه فعلا تستحق الحرب الاخيرة لقب حرب الفرقان لانها اوضحت كل شئ علي حقيقته وفرقت بين الحق والباطل

حتي اللي كانوا عاملين نفسهم انهم شايليين هم الامه العربيه والقضيه الفلسطينيه وضحوا علي حقيقتهم وفضحهم الله أمام الجميع

شرح المثل الشعبى المصرى

وصلتني الرساله الآتيه


شرح المثل الشعبى المصرى:

س1: بما تصف العلاقات المصرية الاسرائيلية؟
ج1: يا بخت من بات مظلوم و مبتش ظالم

س2: بما تفسر الموقف العربى أمام الأوضاع فى غزة؟
ج2: إذا كان الكلام من فضة فالسكوت من ذهب

س3: بما تصف العلاقات المصرية الأمريكية؟
ج3: اللى أكله ما هو من فأسه ... رأيه ما هو من رأسه

س4: بما تصف سياسة مصر الخارجية؟
ج4: دسنا الأرض اللى ما تنداس و بوسنا اليد اللى ما تتباس لا نابنا لا ذهب و لا نحاس

س5: ما هى سياسة مصر الداخليه؟
ج5: أضرب المربوط يخاف السايب

س6: ما هو نظام الحكم فى مصر؟
ج6: سمك لبن تمر هندى

س7: ما هو موقف الأخوان المسلمين من الحكم؟
ج7: عينى فيه و أقول أخيه

س8: بما تفسر الأداء الحكومى المصرى؟
ج8: إن كان هذا يكيدك أنا أزيدك

س9: بما تصف التصريحات الحكوميه؟
ج9: أسمع كلامك أصدقك أشوف أمورك أستعجب

س10: بما تصف زيادة معدل النمو فى مصر؟
ج10: إن كان الكذب حجة فالصدق أنجى

س11: بما تفسر التغيير الوزارى؟
ج11: ايه يعمل الترقيع فى الثوب البالى

س12: بما تصف الأخبار فى الصحافة الحكومية؟
ج12: قالوا الجمل طلع النخلة أدى الجمل و أدى النخله

س13: بما تفسر ميزانية برنامج البيت بيتك؟
ج13: اللى يعوزه البيت يحرم على الجامع

س14: بما تفسر تضخم ثروة أحمد عز؟
ج14: سبحان العاطى الوهاب من بعد الشبشب و القبقاب

س15: ما هو الفرق بين حزب الوفد و حزب الجبهة الديمقراطية؟
ج15: لا تعايرنى ولا أعايرك دا الهم طايلنى و طايلك

و فى النهاية أعزائى بعد ما شفنا قدرة المثل الشعبى المصرى على تلخيص الكثير من القضايا أحب أنهى حديثى بمثل شعبى أيضا لكنه فى تقديرى كان سبب من أسباب تعاسة الشعب المصرى ألا و هو:

' اللى تعرفه أحسن من اللى ماتعرفوش'

و طبعا هذا المثل إجابه لسؤال معروف أتركه لذكاء حضراتكم اعمالا بالمثل الشعبى الذى يقول

من خاف سلم

آسف يا غزة ....أنا جبان

الفيديو ده تصوير موبايل تقريبا واحد بعتلي اللينك بتاعه

والله من ساعة ما شفته وأنا فعلا مش قادر أمسك نفسي

وحسيت فعلا قد إيه أنا جبان لأني قاعد مكاني وإخواني يقتلوا بأبشع الوسائل والطرق

انا مش هعلق ع الفيديو ده لأني بصراحه مش قادر

بس هقول حاجه واحده

حسبي الله ونعم الوكيل في كل حاكم و محكوم كان في إيده حاجه ومعملهاش

و آه يا حكومة هز الوسط

طبعا معروف جدا عن النظام المصري مدي كرهه لحركة حماس

والأسباب كلها معروفه للجميع ومش محتاجه مناقشه

واللي يقول غير كده لا مؤاخذه يبقي أعمي أو مش بيفهم

والفيديو ده دليل من ضمن الأدله علي مدي كره النظام المصري لأي فرد من حماس

طبعا اللي في الفيديو ده غازي حمد المسئول الفلسطيني عن متابعة عمليات دخول الجرحى إلى الجانب المصري

وسائل الإعلام المختلفة راحت تسأله عن الأوضاع في القطاع وعن المقاومة

ويقوم جاي بقي واحد من رجالتنا اللي حامينا ورافعين راسنا ع الحدود بطرده بشكل مهين إلى الجانب الآخر (الفلسطيني) من رفح

وتحيا جمهورية مصر الصهيونيه

روحت وجيت من غير تيييييييت

يوم الاثنين 6/1/2009 الساعه 11.30 عبدالرحمن يتصل بيا ويقولي انت جاهز يا احمد

قلتله جاهز قالي تمام قلتله خلاص قابلني في المسجد نصلي الظهر ونتكل علي الله

واتقابلنا في المسجد ومشينا ركبنا الميكروباص لحد محطة مترو كلية الزراعه

دخلنا المحطه وبعدين امن الدوله وقفنا ..طبعا اللي وقفنا دا من منطقتنا

المهم خد البطايق ودخلنا في اوده في المحطه الكلام ده كان الساعه 1تقريبا

طبعا كل شويه يخشوا يغلسوا علينا كانوا تلاته لابسين ملكي ...قعدنا لحد العصر وصلينا

بعد كده دخل واحد منهم وبدأت بقي عقدة النقص بتاعته تظهر

قالنا متقعدوش واقفوا جنب بعض ...انا قلت يا مصبر الوحش ع الجحش

وقفنا بعدين دخل واحد تاني قال انتوا واقفين ليه فأومت له براسي ناحية اللي وقفنا ومحدش يقولي يعني إيه أومأت عشان انا اساسا مش عارف معناها

المهم طول ماحنا قاعدين عمالين نصبر بعض بالذكر والاستغفار ونثبت بعضينا

الساعه جت 4 كده لقيناهم داخلين قلت خلاص هنروح خدونا من ايدينا وخرجوا بينا بره

قلت كده تمام اوي بيوصلونا كمان لحد بره

خرجنا بره لقيت العربيه الزرقا مستنيانا قلت اهلا كده مفيهاش مرواح

ركبنا العربيه وبدأت تتحرك بينا وانا ببص بقي من ورا السلك اللي في الشباك ع الطريق وبقول لنفسي

ياااه المنظر صعب اوي من ورا السلك

وصلنا معسكر قوات الأمن المركزي اللي جنب القسم وفتحوا باب العربيه

ببص قبل ما أنزل لقيت تشريفه مستنيانا قلت ربنا يستر وجه في بالي ساعتها فيلم البرئ

و وانا نازل من العربيه انتظرت سيناريوا الفيلم انه يتنفذ بس الحمد لله متنفذش

اخدوا مننا الموبايلات وبعدين خدونا بقي لاوده كبيرة وهوه بيفتحها انا قلت اكيد جوه هيبقي مطحنه وبدأت اكثف الذكر والدعاء

دخلنا لقيت جوه يجي 100 واحد قاعدين يقروا اذكار المساء

تنفست الصعداء وارتاحت قلت هوه انتم هنا كان ناس من الغربيه والمنوفيه وعدة اماكن اخري

وطبعا الدم بيحن علي طول اول لما شفتهم اطمنت شويه وقمت اتوضيت وصلينا المغرب

بعد الصلاه اكلنا وشربنا الشاي وبدأ كم أخ يقول خاطرة وحان وقت صلاة العشاء

وانا قايم اصلي خطرلي خاطر معرفش ايه علاقته بالموقف اللي انا فيه بس هوه جه في بالي وخلاص

حسيت ان انا ربنا هيرزقني بزوجه صالحه بإذن الله

اغلب الوقت وانا في المعسكر كان بيدور في ذهني حاجات كتيير اوي منها والدى و والدتي وقلقي عليهم

كمان كنت ابص للجدران والارض واقول بكرة تشهد عليهم ان شاء الله

بعد صلاة العشا بدأت فقرات السمر والضحك والاناشيد

امال ايه ماهو لازم نهون علي نفسينا وبعديها كده ع الساعه 8 جه الظابط وقال يا جماعه انتو زي اخواتنا وكلمتين من دول

بعد كلمة انتوا زي اخوتنا دي احنا ركبنا العربيه الزرقا برده وطلعت بينا علي مقر أمن الدوله

قلت فعلا احنا زي اخواته

واحنا في الطريق بقي كنت بدأت اتوتر شويه خصوصا من كلام بعض الناس اللي كانوا راكبين معانا في العربيه عن التعذيب والكهربا

والافلام دي وقعدت بقي اذكر ربنا واستغفر انه يهون علينا

وصلنا هناك ونزلنا من العربيه

طبعا الحاجه الرئيسيه اللي بتعملها اول لما تروح هناك انك تغمي نفسك

غمينا نفسينا وبدانا نتحرك ونلف يمين وشمال لحد ما وصلنا لمكان بنفتح عنينا

لقينا نفسينا تحت الارض و زنازين ع اليمين وزنازين ع الشمال وزنزانه في الوش

المهم بدأ واحد في الكلام معانا واخذ بياناتنا وقالنا يا جماعه متقلقوش انتوا زي اخواتنا

اول لما قالي كده افتكرت الراجل الاولاني وقلت زي الفل

دخلنا قعدنا شويه وانا عمال بقي اتفقد المكان اللي اقل ما يقال عنه انه قذر جدا

شويه ونادموا عليا انا وعبدالرحمن و واحد تاني عشان التحقيق

قمت اخش الحمام واتوضي قبل ما اطلع

ودخلت الزنزانه اللي فيها الحمام وياريتني ما دخلت

ريحه ايه ومنظر ايه وحاجه زي الفل خالص قلت يلاا بقي نتوضي وخلاص

جيت اطلع بقي قالي استني غمي نفسك ...برفع التي شيرت اتغمي بيه

قالي لا ياحلو اقلع التي شيرت خالص ياعم انا هغمي نفسي وانا لابسه

قالي لا اخلعه ...خلعت التي شيرت وغميت نفسي بيه وبقيت بالفانله الداخليه والجو كان حر جدااااااااااا

وخدنا من ايدينا وطلعنا فوووق يجي 4 ادوار كده ولا حاجه

و وقفنا ادام حيطه وكان جنبينا اعتقد كنتين لاني كنت سامع صوت وشاي وقهوه بتتعمل وسبحان الله ريحتها تحس انها معموله من فلوس حرام

المهم خدوا عبد الرحمن يحققوا معاه وبعد كده جه واحد خادني من ايدي عشان اخش يتحقق معايا

وانا ماشي لاقيته بيقولي ايه يا شيخ انت بردان ولا ايه دا الجو حر وطااااااااااااااخ

طااااخ دي علي ضهري عشان محدش يفتكر انها في حته تانيه ...قلت اول القصيده كفر امال لما اخش جوه ايه اللي هيحصل

دخلت جوه والصمت يخيم ع المكان حوالي 10 دقايق ومفيش نفس وانا بستغفر ربي في سري وجت في بالي اغنية

قسامي والموت سلاحه تقولي ايه علاقتها بالموقف اقولك برده معرفش

المهم بدأ صاحبنا يتكلم ويقولي اسمك ايه يلااااااااااااااااااااااا

انا اللي اعرفه ان المد بيبقي 4 او 6 حركات انما ده بسم الله ما شاء الله مد يجي 10 حركات

ورديت عليه وبدأ يسال الأسئله اللي كلنا مذاكرينها وحافظينها في التوقعات المرئيه

خلصنا التحقيق والحمد لله بدون أي طاااخ أو تيييييييت

ودا طبعا بفضل ربنا وتثبيته

ونزلنا تحت و10 دقايق كده وادوني البطاقه

خدت البطاقه وقولت لنفسي اول الغيث قطرة

قعدت الوقت ده مع نفسي افكر في يجي مليون حاجه وبعديها لقيته بينده عليا روحتله

قالي خد كلم واداني التليفون بتاعه بقول الو لقيت زميل والدي اصله له معرفه جوه فكلمني وبعد كده قالي خد والدك هيكلمك

بقول ايوة يا بابا ولقيت والدي انهار ومقدرش يكلمني

طبعا المكالمه هزتني كتيير من جوه وقفلت خلاص المكالمه ورجعت مكاني وانا في غاية الحزن من المكالمه دي

مكنتش احب اني اسمع صوت والدي في الموقف ده وبالشكل ده

وده طبعا وترني زياده وقعدت ادعي ربنا انه يخلصني من الموقف ده علي خير

شويه كده يجي نص ساعه ونادموا علينا وادونا موبايلاتنا وبعد كده قالوا غموا نفسيكم عشان تخرجوا

غمينا نفسينا وبالفعل بفتح عيني لقيت نفسي في الشارع

يااااااااااااااااه أنا حر

اتصلت بسرعه علي والدي طمنته وقلتله انا جاي في السكه خلاص خرجت

وبقيت ماشي عاوز اركب طيارة عشان اروح اطمن والدي و والدتي عليا

وبقت الاتصالات تنهال عليا انا وعبد الرحمن من الزملاء والاصدقاء للاطمئنان

وأنا راكب الميكروباص ومروح قلت لعبد الرحمن تفرق كتييير اوي لما تبص وانت من ورا السلك

ولما تبص ومش ادامك سلوك

الكلام ده كان حوال الساعه 12.30 بلييل

و وصلنا الحمد لله منطقتنا وبيتنا علي خيير بعد تجربه 12 ساعه بالفعل كانت مفيده ومؤلمه نفسيا الي حد ما

وهييييييييييه ساعات حلوة الله لا يعودها

بس لما رجعت البيت وقعدت مع نفسي مجاش في بالي غير

قالولي بتحب مصر فقلت مش عارف

روحوا اسألوا مصر هيّه عندها الإجابات