يمكن أغلبنا كان سمع عن إن الحكومه المبجله بتاعتنا قفشت قصدي صادرت من أيمن طه القيادي بحماس حوالي 11 مليون دولار
ودي كانت تبرعات رايحه لأهل غزة وازاي طبعا الفلوس دي تخش لاهل غزة ودا بيتنافي تماما مع الاتفاقيه اللي موقعاها مصر مع الصهاينه
والمسماه باتفاقية أم ترتر
واللي من بنودها تجويع وقتل الشعب الفلسطيني ودلدلة الرأس للصهاينه
ومد يد العون والمساعده لاقامة الدوله المزعومه من النيل للفرات
بس دا طبعا عند ام تي تي مش ام ترتر....... فيه فرق بين الاتنين طبعا
الحكومه ساعتها اتحججت وقالت إنه لازم الفلوس دي تدخل البنوك المصريه وناخد إذن من وزير الماليه عشان يسمح لتحويلها لبنوك غزة ومن هناك بقي يتم صرفها ........ياعيني علي الصبر
ودا اعمالا بالحكمه اللي بتقول ودنك منين يا جحا
اللي حصل بقي من يومين ان الحكومه الامريكيه صادرت الفلوس دي كلها واللي كانت موجوده بالبنك الاهلي ودا تحت بند ان حركة حماس منظمه إرهابيه وعليها تعويضات تقدر ب116 مليون دولار نتيجة العمليات الارهابيه اللي بتعملها
نفسي اقول كلمه مش ولابد بس للأسف أنا متوضي
واحده بتسالني بتقولي طب وده تحت اي قانون ان امريكا تعمل كده
طبعا انا قلتلها ان ده من بنود اتفاقية ام ترتر واللي برده من بنودها
إنك طالما هتدلدل راسك للصهاينه يبقي من الاولي بيك انك تدلدلها لامريكا وبناء علي البند ده امريكا صادرت الفلوس
طيب انا دلوقتي عاوز افهم حاجه
لحد امتي هتفضل الحكومه تتصرف بالتعنت والهمجيه والموالاه التامه للصهاينه بالشكل ده؟؟
ولحد امتي فصائل المعارضه المصريه هتفضل ترقص علي السلم والناس هناك بتموت مش لاقيه لقمة العيش؟؟
ولحد امتي هيفضل الشعب عايش في سلبيه ولا مبالاه تجاه قضية فلسطين وتحرير الأقصي؟؟
وفي الاخر عاوز اقول اخر واهم بند من بنود اتفاقية ام ترتر
علي كل من يقرأ التدوينه دي أن يدفع لصاحبها كل اللي في جيبه وهو بيقراها لانه مزنوق شويه الايام دي
والدفع كااااااااااااااااااااش
8 التعليقات:
صادرتها ازاي يعني ؟
و ايه سلطتها على فلوس مش في بنوكها ؟
الحال من بعضه
انا برضه مزنوق
ومحتاج اي نكلة او مليم او حتى تعريفة من اي حد
ال (مهندس مصري ) صادرتها اي وضعتها تحت تصرف الدولة ومش لازم تكون الفلوس في بنك علشان تتصادر
الحكومة مش مكفيها النهب اللي بتنهبه من الشعب المصري الغلبان ولكن اصبحت تتطلع للقرشين اللي رايحين كمساعدة للابرياء الالمحتاجين من شعب غزة
اشوف فيك يوم يا محسن يا ابن الـ (تيييييت) ...
هههههههههه
يابن الايه يا لبط
انت يبني مش هتبطل ابدا
التعليق ان كل مارة بتاخد خبرات فى الكتابة فى نوع الموضوع و كل مارة بتب احسن من المارة السابقة ودة هو الى بيسعدنى****بس فى حاجة انى الحكومة هى الى صادرة الاموال دة وتقول امريكا ومحديش يعرف حاجة وبعدين تتستف فى سويسرة والموفتى يقول انة حلال وكل واحد من الحبيب ياخد نصيبة!!! الحبيب
لاء اتفتشوا
فتشوا اناس
ومش رضوا يعدوها المعبر لا لما تتفتش
وربنا احساسى كان بيوقل ملا كانوا محتجزينهم عند المعبر
اها مش بالساهل واكيد معاهم فلوس هتتصادر
وفعلا سمعت بعدها ان احنا اخدنا الفلوس عشان نوصلها على طبق دهب لماما امريكا
طبعا الحوارىكله معروف اه
لكن يبقى بدل الكلام الحل ولا ايه حضره الاخونى الصميم
مفيش ملللللللللللل هو بيسرق غيره هيصلح ولو كره
هو بيعتقل وبيحجز غيره هيدافع ويناصر ويربى الجيل الصغير على المقاومه
هو فاكر ان نفسه طويل
للاسف نفسنا باذن الله اطول والدائره تدور
حسبنا الله ونعم الوكيل في حكومة الانجاس. لا يوجد بها سياسة غير التبعية للخارج والتسلط على الداخل. لا يوجد فيهم رجل رشيد. ورضوا جميعا بالكفر العنيد. لا يوجد شخص يحترم نفسه أو أي مبادئ خلقها الله يقبل بأي منصب في هذه الحكومة التي تلطخت بكل ما هو دني وحقير. ولكن في النهاية أقول أيها الرئيس المصري اعمل ما شئت فليس بعد الكفر ذنب.
ستى الله يرحمها كانت بتقول مثل شعبى فى المناسبات اللى زى دى ..
(( أن لم تستحى فافعل ماشئت ))
وربنا كان عندها حق
إرسال تعليق