من بين براكين السواد اللي احنا بنشوفها في حياتنا
وقرف العيشه اللي احنا عايشنها
ربنا بيبعت للواحد ومضات تضئ له حياته
بموقف يحصللك بكلمه تتقالك بشعور تحسه
المهم إن الواحد ساعتها بيعرف إنه
مادامت هناك حياه هناك أمل
ومش هنساها أبدا يا فداء
"النور مكانه بالقلوب يا أحمد"
النور مكانه في القلوب
احضن خيوط شمس الغروب
يا تكون قد الحياة
يا تعيش وحيد وسط الدروب
اليأس ضعف وخوف جبان
لكن الأمل يفتح بيبان
يا تكون قد الحياة
يا تعيش وحيد وسط الدروب
المس خضار الشجر
حس بضياء القمر
انقش قلوب على الحجر
علي شيء ما تندمشي
يمّك قوام عديه
امشي الطريق امشيه
العمر ايه يرويه غير قلب مايخافشي
النور مكانه في القلوب
احضن خيوط شمس الغروب
يا تكون قد الحياة
يا تعيش وحيد وسط الدروب
فيه ناس كتير ترضي المصير
وناس تشوف بضمير ضرير
يا تكون قد الحياة
يا تعيش وحيد وسط الدروب
حلي مرار الأيام
لسه الحياة قدام
قوم لون الأحلام
واوعى ماتضحكشى
جسدك فى قلبه الروح
تداوي كل جروح
بالسر اوعى تبوح
وإياك متحلمشى
7 التعليقات:
خطيرة خطيرة خطيرة
والله خطيرة يا احمد
ماشاء الله عليك يا احمد مبدع
دعوة للتفاؤل والثقة بالله
جزيت خيرا
ازاي انت وصلت للشعور ده ؟ انا عايزاتعلم منك الطريقة دي.
انا كمان يا ريت تكلمنا عنه شويه
مين فداء ؟؟؟؟
الله
الله
الله
الله عليك
الله كبر عليك
ولا كلام او تعليق لى سوى
الله كبر عليك
جميله اووى ما شاء الله
إرسال تعليق