طبيعه عند الشعب المصري إن السائح اللي جاي مصر دا حاجه فخمه ومفتخره
ولما نشوف حد منهم في الشارع بنبقي بنقعد نبص عليه ونبحلقله
وبنبقي كمان عاوزين نروح نقوله هالووووووو
مع انه اساسا السياح اللي بيجوا مصر دول هم افقر سياح في العالم
عشان كده بيجوا هنا في مصر
الموقف اللي هقوله دلوقتي دا بيدلل علي كلامي وهو حصل ادام عيني في محطة مترو الدقي
كنت انا وصاحبي نازلين المحطه وبعدين شباك التذاكر كان زحمه
جه بقي واحد سائح ابيضاني كده و وشه محمر شويه
شافه واحد لابس جلبيه بلدي انبهر بقي بالسائح وحب يعمل معاه واجب جدعنه مصري
قام قاطعله التذكره عشان ميقفش في الطابور بتاع التذاكر
دا مهما كان برضه ضيف عندنا ولازم نكيفه ونروقه
عمنا الراجل ابو جلبيه بلدي راح بكل فشخره عشان يدي للراجل السائح التذكره
وياخد منه الجنيه اللي ماسكه في ايده وكتر خيره انه وفر عليه وقفة الطابور
واهو بالمره يسمع الكلمه اللي نفسه يسمعها ثانك يو
الراجل مد ايده واداله التذكره والسائح بابتسامه بسيطه قاله ثانكس
عمنا ابو جلبيه فرح جدا وكان هيطير من الفرحه والراجل السائح مشي وسابه ومدالوش الجنيه
الراجل هنا كشر تكشيره سوده وراح بعلو صوته وقايل
انا سمعت الجمله دي وفطست علي نفسي من الضحك من هول المنظر وفجاعة الموقف
وطول مانا راكب بقي في المترو سؤال واحد عمال يدور جوايا ومش لاقيله اجابه ألا وهو
4 التعليقات:
هههههههههههههههههههههههههههههههههه
جامدة جدا جداوالله الراجل الصعيدى ده صعبان عليا أوى..بس لو حضرتك عايز تعرف اين تقع منوفية اوروبا نبقى نشوف اكتر حتة بيستريح فيها الراجل المبارك بتاعنا هناك..مع احترامى للمنوفية واهلها طبعا
ده أكيد الحتة اللى انت ساكن فيها ..
هي مش بعيدة اوي يعني يا حمادة
بينها وبين برلين حوالي يوم بالطيارة
ههههههههههههههههه
بس بجد جامدة جدا جدا
انا نفسي نلاقي حل للسياحة في مصر
؟
تفتكر اية؟
هههههههههههههههههههههههههههه
والله انا ضحكت بجد
ودي مش عادتي
بس لو عرفت هي فين
قولي
يمكن نعمل معاهم عقد تبادل عمالة
إرسال تعليق