أصدرت اليوم محمكة الجنايات الدوليه مذكرة اعتقال ضد الرئيس المصري محمد حسني مبارك
بناء على طلب من المدعي العام للمحكمة بتهمة انتهاكه لحقوق الانسان وتردي الاوضاع المعيشيه وكبت الحريات وملأ السجون بالاف المعتقلين وتشريد الاف الاهالي والمساعده في حصار غزة ومسئوليته عن تدمير كل أحلام الشعب
هتعمل ايه لو صحيت يوم من النوم وقريت الخبر ده؟؟؟؟؟
هل هنفرح ونهلل ونقول جه الخلاص من الظلم والظالم وهيغور منها اللي سارقها؟
هل هنفرح لانه التغيير جه فعلا وهيتحاكم اللي ظلم وافتري حتي لو كان الحاكم من بره ؟
ولا الوضع هيكون مختلف شويه
يعني مثلا هل ساعتها هنقعد نهتف بإسم الرئيس ونمشي في الشوارع ونهتف بالروح بالدم نفديك يا مبارك؟
هل ساعتها الرئيس هيعمل مؤتمر جماهيري ويحضره مثلا مليون واحد بس ميكونوش من الحزب الوطني؟
يا تري لو التغيير جه من بره هنقبله ونرضي بيه ولا هنرفضه؟
انا عن نفسي بحب المثل الشعبي اللي بيقول
أدعي علي ابني وأكره اللي يقول آمييين
5 التعليقات:
انا برأئ البسيط بقول انو يجي حاكم كافر و يعمل العمايل دي بمصر اهون ما يكون حاكم بيتقال عنه مسلم و يعمل ده ,لسه على الاقل بيكون كافر .و ظلم الكافر اهون من ظلم المسلم لاخيه المسلم .
الأخ اللي بيقول ظلم الحاكم الكافر أهون من ظلم الحاكم المسلم أقوله: القضية دي باطلة تماماً من عدة جهات أولا: إنه الحاكم للدولة المسلمة لازم يكون مسلم الشرع اللي مفيش دولة بتطبقه بيقول كده.
ثانيا: الكافر لو له سلطه على المسلم مش حايرحمه. بص لظلم صدام كان مسجون أيامه عشرين أو ستاشر ألف معتقل دلوقتي الاحتلال الأمريكي معتقل أكتر من ميه وخمسين ألف وشوف بقى الفضايح اللي هناك والاغتصاب والانتهاك الجنسي.
ثالثاً: مين قال إن الرئيس المصري حاكم؟ الحاكم بيخاف على مصلحة بلده والشعب هوه اللي بيختاره وليه مواصفات كتير طبعا مش موجودة عند للي بيسموه رئيس الجمهورية ده. ده اسمه متحكم مش حاكم.
رابعاً: مين اللي قال إنه مسلم؟ بص مواقفه أثناء حرب غزة قال لإسرائيل (ولو إنهم كذبوا الخبر ده لما محمد هيكل فضحهم على الجزيرة) لا تسمحوا لحماس بالفوز في الحرب. وتصريحه بوجوب السيادة الإسرائيلية على المعبر المصري الفلسطيني. وطبعاً متنساش فتوى 100 عالم من علماء الأمه بكفره. والأصل في قضية كفره وإن كان فيها خلاف إنه مبيحكمش بالشريعة الإسلامية.
في ضوء ما سبق أقول لصاحب المدونة إن التغيير لو جه من بره مش حايفرق في حاجه لأن كلب حايمشي وحايجيبوا كلب مكانه. لازم يكون التغيير من الداخل.
انا مع كاتب الموضوع
التغيير المفروض يكون من جوه
انما التغيير لو من بره هيكون اهانه للمصريين
وانا كمان معاك يا احمد تماما
ادعي علي ابني واكره اللي يقول امين
انا بقى مش هتتف ضده ولا حاجه
ومش هتبسط لو حد من بره قالوا نحاكمه
انا بقى عايزه الشعب بقى اللى يحاكمه
وده مش يحصل الا لما الشعب يفوق
ومادام فاق الشعب
مش هتلحق تلاقى الظالم الفرعون لانه هيكون تار
2 يخافوا ان النائم يصحى
حاكم ولص
وهو بسم الله ماشاء الله
جمع الحسنين
إرسال تعليق