صواريخ القسام العبثيه

للاسف الشديد طلع في اليومين اللي فاتوا بعض الجهله او الاغبياء او مش عارف بالظبط نسميهم إيه

اللي عمالين يرددوا كلام ابومازن الخائن ويقولوا إن صواريخ القسام عبثيه وعامله زي بمب الأطفال

طبعا أنا هنا مش هرد بالكلام ولكن هخلي الصور هيا اللي تتكلم

هوه ده بمب الاطفال

هذه هيا الصواريخ العبثيه

هذه هيا صواريخ القسااام

تلك هيا فئران الصهاينه الخائفه من صواريخ القسام

ينتظرون مصيرهم علي أيدي القساميين

وقذف في قلوبهم الرعب

عفوا لقد اغتصبتم أرضنا فهذا مصيركم

عذرا لن تعيشوا فوق أرضي

يا قسامي يا حبيب اضرب دمر تل أبيب

ارحل عن ارضنا والا فأنت الجاني علي نفسك أيها المحتل

يا قسامي دمر دمر اسرائيل مش راح تعمر

حقا انها صقور قساميه

أعتقد أن الصور كفيله بالرد علي كل الحمقي


والله أكبر الله أكبر ولله الحمد

عاجـــل

نظرا لما تمر به غزة هذه الايام من هجوم صارخ من القوات الصهيونيه

وبموافقة ومباركة الحكومات العربيه الخائنه العميله

فإننا سوف نقوم هنا بنقل كافة أخبار المقاومه الفلسطينيه إن شاء الله

محتار اطلع تحت ولا انزل فوق

بمناسبة عودة النت الحميده إلي الديار المصريه أحب أن أنوه الساده العظام اللي كل مرة بيغلطوا ويخشوا يقروا في المدونه

إن التدوينه المرة دي مش أنا اللي هكتبها ولكن صديقنا عبد الله رفاعي من جمهورية الشرقيه الشقيقه هوه اللي هيكتب المرة دي

رساله

م.ح.م ------> الكيل فاض , البغدده خلاص هتبقى تراب

احمد عز -----> اسياخكم طويله وطباخ السم بيدوقه

منتظر------> عفوا اخالفك نحن لا نلقى بالحذاء فى سلة القمامه

حماس وفتح ------> الكيان الصهيونى لسانه حاله القدس بتعاتنا واللى مش عاجبه هنقطعه فى حتتنا

محمد سيد طنطاوى -----> اللى اختشوا ماتوا

الاهلى والزمالك --------> بتفكرونى بالسجاير تدمر الصحه وتسبب الوفاه

شوبير ---------> من خلالك ادركت مفهوم الوصوليه

عادم امام -------> العضمة كبرت واحترم نفسك عيييب

نظيف --------> عندما يكون للنظافه معنا اخر

اوباما ------> بوش خد بالجزمه ,الكلام لكى يا جاره

سؤال

مين وزير خارجية مصر؟ ؟؟؟

انا اخر حاجه افتكرها بعد عمرو موسى احمد زاهر ولا ماهر .

فزوره

زعيم حالى اول اسمه بمعنى سعيد واخر اسمه بمعنى علبتى الصفيح

الاجابه ساركوزى

تناسب عكسى

عالرغم من

· اصدار فتوى صريحه وواضحه منذ اعوام ان السجائر حرام شرعا

· اضرار السجائر التى تزاد يوميا

· الحملات الاعلاميه التى تشن لمنع التدخين , والتى شملت علب السجاير ايضا

الا ان الاقبال على التدخين يزداد شراهه بجد انا محتار!!!!!!

حكمه

احفظ لسانك , احفظ لسانك , احفظ لسانك

وفي النهايه ... تصبحي علي خير يا مصر

بوش خد بالجزمه يا منززز

الصراحه أول لما الخبر اتبعتلي أنا مصدقتش خالص

قلت ايه ده مش ممكن بوش يضرب بالجزمه وفردتين كمان مش فرده واحده

لالالالالا مستحيل ده يحصل عندنا

هوه لسه فيه راجل كده

بعدين لما شفت الفيديو بنفسي عدته حوالي 4 مرات

ايه ده يا جدعان مش ممكن

والله منتظر الزبيدي ده راجل بألف راجل

مش كده كمان لا ده قاله كلمه حلوووووة جدا

هذه قبلتي الوداع يا كلب

بجد انا لو بإيدي كنت جبت الفردتين دول وحطيتهم مكان ابوالهول

عشان اللي بالي بالكم يتعظ

الفكر المهول والعبور للمجهول

أعتقد إن احنا دلوقتي في مصر بنمر بمرحله من اصعب ما يكون

أهمها إن احنا بنعيش في ظل الفكر المهول والعبور للمجهول بتاع الحزب الوطني

واللي أهم ملامحه

يعني مثلا لما نشوف رمز الدوله بالمنظر ده

بس وحياة أبوكم محدش يقولي دا سيفن أب ولا مياه ساقعه

وبرده مثلا يعني لما نشوف رمز الحكومه بالمنظر ده

لب وسوداني واخر روقااااان ويتحرق الشعب مش مهم

وبرده مثلا يعني لما يبقي رمز الاسلام في بلدنا كده

دا لو اخوه ابن امه وابوه مش هيسلم عليه كده لا والبجاحه بقي لما اتسأل قال أنه بيريز هوه اللي جه وسلم وانه مكنش يعرف ان ده رئيس اسرائبل علي اساس يعني انه عنده راديو بس وكمان قال ايه ميعرفش ان فيه حصار في غزة طب ده يتقال عليه ايه بالله عليكم

ولما نبص بقي علي المواطن يعيني ونلاقيه بالشكل ده

وكمااااااااان كده


وبرده تاني كده

فعلا هيا دي هيا فرحة الدنيا دق يا قلبي غني يا عنيا

وكل سنه اونتم طيبين

تطبيق الشرع في السعوديه

طبعا من فترة كده الكل سمع عن موضوع الطبيبين المصريين المحكوم عليهم في السعوديه بالحبس والجلد 1500 جلده

مش عارف ليه الموضوع نام تاني الايام دي

بس هوه فيه حاجه هل في الشرع الاسلامي عقوبه ب1500 جلده

ولا السعوديه طلعت شرع جديد وبيطبقوه

وكمان انا نفسي افهم ايه الغلطه اللي عملوها يعني عشان ال1500 جلده

وعلي اي اساس الحمار اللي حكم عليهم حكم بالحكم ده

ولما هما ناس فالحين اوي واتقياء كده ومتشددين للشرع مع انه ده مش من الشرع

طب ما تروحوا تجلدو اللي شرب الخمر علنا والدنيا كلها شافته

هوه مش برده عقوبة شارب الخمر 80 جلده في الاسلام ولا غيروها عندهم برده

ولا يمكن عشان اللي شربها هوه اللي مستعبدكم هناك في مملكته

وعشان محدش يتفزلك ويخترع الفيديو كمان اهوه

فخامة ملك السعوديه

الساده العاملون في وزارة الدعوه والارشاد السعوديه

الساده العاملون بمجلس القضاء الاعلي السعودي

جتكم ستين نيله

قومي يا خير الأمم

أمتي حان الميعاد... قومي يا خير الأمم

انشدي لحن الجـهاد... أيقظي فينا الهمم

ابني في سور السجن وعلي... بكرة الثورة تشيل ماتخلي

مش هنسيبكم يا أبطال

مش عارف لحد امتي النظام الواطي اللي بيستعبدنا مصمم علي استخدام الأساليب القذرة في التعامل مع أي حد بيحاول يعبر عن رأيه
المشكله إن الأساليب دي بقت عقيمه جدا ومش بتجيب أي نتيجه إيجابيه ليهم
بس نعمل إيه بقي في وساخة الدماغ دي
وعشان كده إحنا بنأكد كنشطاء نبحث عن الحريه في بلدنا إننا مش هنتخلي أبدا عن قضيتنا
ومش هنسيب المعتقلين دول لكلاب أمن الدوله كده
وهننشر القضيه في كل مكان وهنفضح النظام في كل حته وهنعمل ضغط إعلامي
كل الوسائل المتاحه هنستخدمها إلي أن يتم الإفراج عن كل معتقلينا الأشراف

معكم حتي النهايه أيها الأبطال

محمد عادل : التهمه انه بيحب مصر وعاوز فلسطين تتحرر

محمد خيري : التهمه إنه شارك في قافلة فك الحصار عن غزة

مسعد أبو فجر : التهمه إنه قال "ودنا نعيش"

حسام الوكيل: التهمه إنه كان بيعمل تغطية صحفيه لأحداث مدرسة الجزيرة الشهيرة وبيكشف فيها تعامل الأمن مع الأهالي

خيرت الشاطر وإخوانه في المحاكمات العسكريه: التهمه إنهم عاوزين يصلحوا بلدهم ويعملوا نهضه فيها

وفي النهايه

أقول لسيادة الرئيس "ولاتحسبن الله غافلاً عما يعمل الظالمون، إنما يؤخرهم ليوم تشخص فيه الأبصار"

ورجعتلك من تاني يا مدونتي

فترة كبيرة عدت علي الواحد وهوه بعيد عن التدوين وربنا اللي يعلم الفترة دي عدت علي الواحد إزاي
أحيانا الواحد لازم يعمل وقفه مع نفسه عشان يشوف يا تري هوه ماشي صح ولا لأ
ماشي نحو هدفه ولا ماشي كده وخلاص ، عارف هوه بيعمل اللي بيعمله ده ليه ولا بيهيص مع الهيصه
حاجات كتير ملعبكه ومكلكعه كان لازم أحلها مع نفسي وأقف الوقفه دي
أي نعم الوقفه طولت شويه وانا تعبت منها وقعدت بس رجعت تاني

رجعت عشان اقول كفايه ظلم وافترا
رجعت عشان افضح نظام فاسد
رجعت عشان احاول اصلح فيكي يا بلدي
رجعت عشان اعمل فيكي نهضه يا بلدي
رجعت عشان اكتب فيكي يا مدونتي

الكداب بيروح النار يا ريس

الخبر ده اتنشر في جريدة الأخبار سنة 1984 يعني من حوالي 24 سنه كده
يعني برده نقدر نقول عدي كم ولايه لحد دلوقتي تقريبا في رقم 5 وهوه قال 2
وعشان اللي عاوز يتأكد من التاريخ بتاع نشر الخبر ده ونظره ضعيف معلش يجي علي نفسه ويفعص هنا

بيتهيألي كده والله أعلم أنه بلاش أعلق هنا بالذات لأني لو علقت احتمال كبير اقل ادبي ولساني يطول

ودا برده مهما كان الريس حبيب الشعب ، كمان إيه يعني لما الريس بتاعنا يكدب علينا ماكل الناس بتكدب عادي مش مشكله

ربنا غفور رحيم وبيقبل التوبه

بس برده انا عاوز اقول حاجه وهيا ايه بقي

سئل الرسول صلى الله عليه وسلم يوما

أيكون المسلم كذابا

قال لا

وكفايه لحد كده

يا مسهل وما يستهبلوش

امبارح 11/10 محكمة جنايات القاهرة جنوب قضت بالافراج عن المدون الدكتور ممدوح المنير

الذي تم اعتقاله فجر 8 أبريل الماضي؛ على خلفية أحداث المحلة يوم 6 أبريل، واختفى لمدة 19 يومًا في مقر أمن الدولة بالمحلة قبل أن تُصدر النيابة قرارًا بالإفراج عنه وإحالته إلى الطب الشرعي؛ ليصدر بعد ذلك قرارٌ باعتقاله؛ تبعته سلسلة من الإفراجات وقرارات الاعتقال.

ربنا يستر بقي ويسيبوا الراجل المرة دي وميستهبلوش زي كل مرة ويعملولوه تجديد اعتقال

طبعا انا اقصد بكلامي هنا كلاب الداخليه اللي مش بيهمهم حد ولا حكم قضاء ولا غيره

ماحنا في عصر مبارك يعني عصر الحريه والديمقراطيه والملوخيه

ربنا يكون في عونك يا دكتور ممدوح انت واهلك يارب ، بمناسبة الأهل صحيح والد الدكتور ممدوح كان قال كلمه عجبتني أوي بخصوص الموضوع ده قال

"سيادة الرئيس مبارك.. أبناؤنا لم يحرِّضوا على الإضراب، ولم يدعوا له، ولكن كل ما فعلوه أنهم أنشئوا مدوِّنات يعبِّرون خلالها عن مشاعرهم، وأظن أن هذا ليس بجريمة، واجهوا أولادنا بدلاً من قمعهم".

واجهوا أولادنا بدلا من قمعهم يارب نفهم بقي لكن هقول إيه بقي

لقد أسمعت لو ناديت حياً... ولكن لا حياة لمن تنادي

الله يلعنك ياللي في بالي

شعب معندوش ثقافة البي بي

في البدايه كده انا بقدملكم يا جماعه 3 اعتذرات

الأول ودا عشان إتأخرت في تنزيل موضوع جديد علي المدونه
الثاني ودا عشان مقلتش كل سنه وانتم طيبين بمناسبة العيد واديني بقولها اهوه ومعلش جت متاخرة
الثالث ودا بسبب اختيار العنوان بتاع الموضوع ده بس صراحه ملقيتش غيره اعمل ايه بقي حاجه تقرف


الموضوع بكل بساطه انه طبعا في الفترة الأخيرة ظهر تنظيم إسمه الماس الكهربي يتزعمه حمدي سلكه وشعبان قفله
والتنظيم ده اعلن مسئوليته عن الحرائق التي حدثت في الفترة الأخيرة في مصرنا المحروسه (الحمد لله طلعتي بريئه يا حكومه)

وعشان تكمل براءة الحكومه كارثة الدويقه طبعا مكنش فيها حرايق يعني تظيم الماس الكهربي برئ واكيد برده الحكومه بريئه

أمال يا تري مين ابن الكلب اللي ورا الموضوع ده

واحد ابن حلال شغلته مصدر مسئول في وزارة الاسكان (ربنا يحفظه ويعلي مراتبه) طلع من الحمام قصدي طلع من الوزارة وكشف السر الخطير والأمر الفظيع والصدمه التي كادت أن تفقدني الوعي عندما أعلن من المسئول عن كارثة الدويقه

الراجل قال أن السبب الرئيسي لكارثة الدويقة هو غياب السلوكيات السليمة وسوء التعامل مع دورات المياه مما أدى إلى تأثر الهضبة سلبيا بسبب تلف مواسير الصرف وربما هو ما أدى إلى انهيار الهضبة فوق المواطنين

وقال المسئول لـجريدة المصري اليوم: هناك أساليب خاطئة لاستخدام الحمامات يقوم بها سكان المنطقة، هذه الأساليب تسببت في تلف مواسير الصرف، وتسريب جزء كبير من المياه إلي صخور هضبة المقطم، مما أدي إلي تفككها، وبالتالي إذابتها وانهيارها.

وأضاف المسئول: قررنا عمل حملات توعية للمواطنين في المنطقة بعد نقلهم لمساكن التطوير خلال المرحلة المقبلة، وذلك لتعريفهم بكيفية استخدام الحمامات والأحواض

وكشف المسئول عن أن جزءاً من هضبة المقطم بجانب الجزء المنهار في منطقة منشأة ناصر يحتاج إلي نحو 60 مليون جنيه لتدعيمه وتثبيته معمارياً، مشيراً إلي أن هناك اتجاهاً لتخصيص هذا المبلغ، لبناء وحدات بديلة لأهالي المنطقة وإزالة جميع المباني فوق الهضبة.

شوفتوا بقي إن الحكومه طلعت بريئه إزاي وإن احنا السبب في الكارثه عشان مش بنعرف نستخدم دورات المياه
بس انا ليا عتاب صغير علي المسئول اللي كشف السر الخطير ده
يعني أنا بس كنت عاوز اعرف طيب يعني ايه مش بنعرف نستخدم دورات المياه
والله سؤال برئ يعني مثلا هوه يقصد بكلامه ده الناس اللي عندها حمامات افرنجي ولا حمامات بلدي
ولا كان يقصد إن الناس مش بتشد السيفون بعد ما بتخلص

ياخبر أسود يا جدعان بقي شعب حضارة ال7000 سنه مش بيعرف يعمل بي بي لحد النهارده

أنا دلوقتي عرفت السر ورا تأخرنا إن احنا مش بنعرف نعمل بي بي ايوة لازم نعترف بالحقيقه المره دي

وصدقت الحكمه اللي قالت الاهتمام بالمؤخرة يجعلك في المقدمه

ياريت نحط الحكمه دي في عين الاعتبار ونشد عليها السيفون

ومن هذا المزنق أنا بناشد الساده المسئولين في الحكومه وقبلهم طبعا السيد الرئيس والسيده الفاضله سوزان مبارك راعية الثقافات في مصر

انهم يعملوا وزارة جديده يسموها وزارة المراحيض عشان يهتموا شويه بالمواضيع الجامده دي
انهم يضيفوا ماده جديده تدرس في المدارس اسمها ازاي تعمل بي بي ويدرسوها للطلاب نظري وعملي
انهم يعملوا حملة توعيه في التليفزيون عن ثقافة استخدام الحمامات وياريت الحمله تشمل النوعين البلدي والأفرنجي
ان الحزب الوطني السنه دي في المؤتمر بتاعه اللي هيعمله يكون تحت شعار

(حمـــــــامنا بيتقدم بينا )

وفي النهايه إلـــــهي يارب المسئول اللي طلع الكلام ده يتزنق زنقه وميعرفش يفك لا في حمام بلدي ولا أفرنجي ويموت بسببها

اللهم امين

وفي النهايه دمتم بود و حمام الهنا إن شاء الله

ملحوظه أخيرة وهي إذا لم تعجبك التدوينه شد عليها السيفون

تشششششششششششششششششششششششششششششش

تحديث بسيط: تم إزالة الصورة الموجوده بالتدوينه لمراعاة شعور الآخرين

أحمد عز أمه يهوديه (وعلي الأصل دور)

فاكرين اعلان حلاوة الرشيدي الميزان بتاع علي الاصل دور

اهوه احنا النهاره هندور علي اصل احمد عز بتاع سياخنا طولها كام سياخنا طولها صح

وانا بدور وببحث عن اصله الطاهر الشريف لقيت ان امه يهوديه والصراحه انا مستغربتش لما عرفت ده بالعكس انا في الاول كنت مستغرب لسياسته دي انما دلوقتي الامور بقت زي الفل خالص

مش هوجع دماغكم كتيير بكلامي وهسيبكم دلوقتي مع المصدر اللي جبت منه الخبر ده

نقلا عن موقع جامعه أون لاين :

ع الأصل دور.... أمه يهوديه
دوما كلما رأيته قلت هو ليه كده سحنته شبه اليهود...لكن سرعان ماكنت أقول لنفسى..ياعم ده اسمه احمد..حتى عرفت الحقيقة
فأحمد عز هو "ثمرة حب ربط بين والده اللواء عبد العزيز عز الضابط بالجيش المصري بفتاة إسرائيلية عام 1956،

رغم أنه كان أحد قادة الجيش في هذه الفترة، إلا أنه ضرب عرض الحائط بكل القوانين واللوائح وتزوج بفتاة يهودية أنجب منها أحمد عز،

ثم تطورت الأمور بعد ذلك وخرج في عام 1967 في عمليات التطهير بعد عزل المشير عبد الحكيم عامر، وزير الحربية آنذاك".

سيرة ذاتية:
أحمد عز (ولد في يناير 1959), رجل أعمال وسياسي مصري يشغل منصب أمين التنظيم بالحزب الوطني الديمقراطي

ورئيس مجموعة شركات عز الصناعية والتي تضم شركة عز الدخيلة للصلب بالأسكندرية و التي كانت تعرف سابقاً قبل شراء أحمد عز لها بإسم شركة الأسكندرية الوطنية للحديد والصلب، وشركة عز لصناعة حديد التسليح بمدينة السادات، وعز لمسطحات الصلب بالسويس، ومصنع البركة بالعاشر من رمضان، وشركة عز للتجارة الخارجية بالإضافة إلى شركة سيراميك الجوهرة .
وهو أيضا أمين التنظيم وعضو لجنة السياسات في الحزب الوطني الديمقراطي الحزب الحاكم في مصر وشارك في تمويل حملة الرئيس حسني مبارك الإنتخابية، كما يرأس أيضا جمعية جيل المستقبل التي أنشأها جمال مبارك نجل الرئيس المصري
زواجه

في يناير 2007 تزوج أحمد عز من شاهيناز النجار النائبة في مجلس الشعب المصري، ويعتبر هذا الزواج أول زواج بين نائب ونائبة في البرلمان في تاريخ الحياة النيابية المصرية، وتعد شاهيناز هي الزوجة الرابعة في تاريخ حياة عز الزوجية فكانت الأولي خديجة نجلة أحمد كامل ياسين نقيب الأشراف في مصر والثانية سكرتيرته الخاصة والثالثة كانت صديقة سكرتيرته التي طلقها مؤخراً، يتردد أن مهر شاهيناز الذي قدمه لها عز بلغ حوالي 25 مليون جنيه وكانت الشبكة خاتم ألماظ ثمنه مليون جنية
ابن ال...
أحمد عز ووالده اتهما في قضايا نقد أجنبي، وقام اللواء زكي بدر وزير الداخلية الأسبق شخصيا باعتقال اللواء عبد العزيز عز لخطورة نشاطه على الاقتصاد القومي،

ومع ذلك جاءت الدولة لتختار نجله رئيسا للجنة الخطة والموازنة في البرلمان دون النظر لماضي والده في تهريب النقد الأجنبي

اتهم اللواء عبد العزيز عز في قضية الحديد المغشوش الشهيرة عام 1983، حيث تم القبض عليه في هذه القضية ضمن مجموعة كبيرة من تجار الحديد، ثم جرى استبعاده بطريقة غامضة من القضية

بعد ذلك قام أحمد عز بارتكاب جريمة الخيانة العظمى بتصديره حديد التسليح للإسرائيليين لاستخدامه في بناء السور العازل لخنق الفلسطينيين وتجويعهم وحصارهم،

وقال إن الحديد تم تصديره بنصف الثمن وبيعه في مصر بأسعار باهظة.

فلوس أبويا
ثروة والد أحمد عز حصل عليها بعد خروجه من المعتقل وسفره هو وأسرته إلى سويسرا للإقامة عند أصهاره اليهود، قبل أن يعود بعد ذلك ومعه 50 مليون دولار تم بواسطتها بناء مصنع حديد عز. إن أخوال أحمد عز هم الذين رتبوا صفقة شركة (إنيلي) التي كان الرئيس الروماني قد اشترى أسهمها، ثم قام عز بعد ذلك بالحصول على قرض قيمته مليار و600 ألف جنيه ساهمت في شراء شركة الدخيلة من خلال صفقة مريبة،
حصل عز على كميات كبيرة من كوبونات النفط العراقية عن طريق صديقه النائب السابق في الحزب "الوطني" عماد الجلدة الذي حكم عليه في قضية مخلة بالشرف وكانت كوبونات النفط مقابل توريد حديد للعراق،

إلا أن عز امتنع عن توريد الحديد للعراق بالرغم من حصوله على ثمن جميع صفقات الحديد كاملة

شنت جبهة علماء الأزهر هجوماً شرساً على أحمد عز دون أن تسميه وإتهمته بإحتكار الحديد في مصر، وأشارت الجبهة إلى أن عز الذي يتحمل المسؤولية عما وصفته بـ "الغمة التي أصابت كل بيت مصري"، بسبب مضاعفته أسعار الحديد في عام واحد، وجعل سعر الطن يتجاوز سبعة آلاف جنية
ونددت حركة مواطنون ضد الغلاء بموقف أحمد عز وتعتبره عدو المستهلك رقم واحد في مصر

إلي هنا انتهي الخبر

وفي نهاية سمعوني

يتربي في عزو حماده عزو

نونه علي الحجر ماما تهزه

انجغ انجغ يا كلبوظه

يا صغير يابن المحظوظه

من حريه وقوميه إلي بابا أوبح يا شعبي لاتحزن

زمااااااااان وأنا صغير عندي حوالي 10 سنين كده كان بيجي علي التليفزيون المصري أيام ما كان تليفزيون يعني كليب جميل أوي بيرسخ عندنا كأطفال مفاهيم جميله بأسلوب أجمل يجعلك تعشق كل معني من هذه المعاني وتحسها بكل كيانك وأنت مازلت في هذه السن الصغيرة ( ياسلام يابني علي الكلام الكبير)

ماما بابا وطني علمي

حريه قوميه سلام حمام

جندي بلدي شجاع



أحببت أن أضعه اليوم بين أيديكم لكي تقارن بنفسك الفرق بين مصر من 12 سنه ومصر الحاليه

لو جينا بقي بصينا علي المعاني دي دلوقتي هنلاقي إن :

بابا بابا حسني طبعا أبو المصريين كلهم

ماما أكيد ماما سوزان مراة أبو المصريين تبقي هيا أم المصريين مش محتاجه فهلوه

وطني عايش غريب فيه

علمي داسوه بالجزم ولا ال.........

حريه بحلم اشوفها قبل ما اموت

قوميه من زمااااااااان مسمعتش عنها

سلام السلام هوه الخيار الاستراتيجي ( ده طبعا عند أم ترتر)

حمام الرئيس كان جعان فدبحه وأكله بالهنا والشفا

جندي انقرض والموجود دلوقتي عسكري أمن مركزي

بلدي باعوها بالرخيص ومش لاقينها حتي العيش البلدي مش لاقينوه

شجاع ده اللي هوه أنا ( أصل أنا بحب أتفشخر)

وياسلام بقي لما تتصدم بالواقع الأليم وتشوف الأغاني الجديده اللي بيربوا عليها الجيل الجديد

جيل بابا أوبح

بابا يقول لماما دح بابا اوبح

تاتا فيها واوا يح بابا أوبح

هوه ده الفكر الجديد اللي عايزين يربوا الجيل اللي طالع عليه

وفي النهايه يبقي سؤالا واحدا يفرض نفسه علي الساحه وهو

مين هوه بابا أوبح؟

إلا هما ميين دول يا جدعان

النهارده وأنا قاعد في ساعة صفا قبل ماتش الاهلي والزمالك قلت اتصفح شويه في النت(حلوة أتصفح دي) واشوف الدنيا فيها إيه بعدين بفتح موقع كده

وخير اللهم اجعله خير طلعتلي الصفحه دي

لو الصورة مش واضحه إفعص هنا

ايه اللي بيحصل ده يا جدعان ؟؟؟؟؟؟؟؟؟

حد يقولي لحسن أنا مش عارف واللي يعرف يقوللي

المهم دلوقتي إن الرساله واضحه زي عين الشمس وتسد أتخنها عين قاعده أدام شاشة الكمبيوتر بس أنا اللي محيرني إنهم كاتببن

تم الاحتفاظ برقم الآي بي الخاص بك لأسباب أمنيه

مين هما دول بقي يا جدعان بالله عليكم اللي احتفظوا برقم الاي بي ؟؟؟؟؟؟؟؟

دا سؤال مش عارف أجاوبه ولو حد عرف يجاوبه يخش علي السؤال التاني اللي هوه

ايه هيا الأسباب الأمنيه دي اللي بسببها حفظوه الاي بي بتاعي ؟؟؟؟؟؟؟؟؟؟

يمكن عاوزيين يبعتولي جايزة ولا حاجه

لو عرفت الإجابه ياريت تغششني بسرعه

وربنا يجعل مصر بلدنا بلد الأمن والأمان

ويحميها من المناضلين والجدعان

ويخليها لحسني ومراته وجمال

إوعوا تقولو آمييييييييييين

عندما يحكم الطغاه

من فترة قريبه دعا الدكتور حمدي حسن عضو مجلس الشعب والمتحدث الرسمي باسم الكتله البرلمانيه للإخوان المسلمين لجعل يوم العاشر من رمضان يوما مصريا لكسر الحصار عن غزة ودعوة كافة قوى الشعب المصرى للمشاركة

الدعوه دي لاقت إقبال غير عادي من كافة القوي الوطنيه في مصر وأبدوا الاستعداد للمشاركه في هذا اليوم وقد رحبت اللجنة المصرية لفك الحصار عن غزة بهذه المبادرة وأكدت مشاركتها بقوة فى هذا العمل المجيد الذى كانت قد بادرت اليه من قبل

ودا كان نص الرسالة بالكامل كما وصلت مدونة نيوز فلسطين

معا لكسر الحصار

موعدنا العاشر من رمضان 2008

دعوة للنصرة والتضامن من النائب الدكتور حمدي حسن

يأتي العاشر من رمضان هذا العام وأهالينا في فلسطين محاصرين حصارا شديدا تفرضه عليهم اسرائيل بمساعدة امريكية ومشاركة وتسليم من الحكومات العربية والاسلامية للأسف الشديد

ويأتي العاشر من رمضان يحمل الذكري 35 لعبور القوات المسلحة المصرية الباسلة قناة السويس محطمة خط بارليف ومحررة الأرض ومحطمة وقاهرة لاسطورة الجيش الذي لايقهر – هذا منذ 35 سنة - اما الآن فإننا نشارك للأسف الشديد في حصار اهالينا !!!!

تأتي الذكري 35 لانتصار قواتنا المسلحة في العاشر من رمضان 1973 ونحن نهاجم و ندمر الأنفاق التي يحفرها الفلسطينيون لكسر الحصار والحصول علي الغذاء والدواء فنهدمها عليهم بالغاز أوبالهدم أوبالماء نصرة لأعدائنا الصهاينة وتشديدا للحصار علي اشقائنا للأسف الشديد

في 73 استخدمنا المياه لتحطيم خط بارليف - اسطورة الأعداء - واليوم نستخدم ذات المياه لتدمير الأنفاق - اسطورة الأشقاء - ولا حول ولا قوة إلا بالله في 73 كان نداء " الله اكبر" يتردد عاليا في السماء معبرا عن القوة والاقدام والشجاعة وأهم من ذلك الانتماء – الشعور بالانتماء – الذي اصبح مسألة فيها نظر أو فيها شك أو تساؤل في 2008 ولا حول ولا قوة الا بالله .قارنوا بين احوالنا في العاشر من رمضان 73 وبين حالنا الآن في العاشر من رمضان 2008 لتعرفوا اين نحن واين اعداؤنا للأسف الشديد

تاريخنا يحكي ويسجل أنه في رمضان كانت انتصاراتنا : بدر وفتح مكة وعين جالوت وحطين و عامورية وفتح الأندلس وفتح جزيرة رودس و.... ,... ومواقع اخري كثيرة

في رمضان عام 223 صاحت إمراة اعتدي عليها بعض الجنود الروم : وااااااااامعتصماه فلما وصلت الاستغاثة الخليفة المعتصم قال : لبيك اختاه وانطلق 250 الف رجل من جيوش المسلمين حتي فتحوا عمورية في 17 رمضان سنه 223وفي 25 رمضان 658 هـ نادي قطز في جنده واااااااااااسلاماه فكانت الهزيمة القاسية في صفوف التتار الذين اجتاحوا كل بلاد المشرق ولم تعد لهم بعد ذلك قائمة

كم من إمرأة في فلسطين وغيرها يعتدي عليها جنود الاحتلال اغتصابا وقتلا تهتف وامعتصماه !! ولا معتصم يجيب و كم من فتي وشاب ورجل يهتف واسلاماه ولا أحد يجيب , ُصمت الآذان وضعـفت الهمم واصبح الأمر لأراذل الناس فضاعت بلاد المسلمين

قال صلي الله عليه وسلم: 'الجهاد ماض فيٌّ وفي أمتي إلي يوم القيامة، ومن مات ولم تحدثه نفسه بالجهاد مات علي شعبة من النفاق، ومن جهز غازيا فقد غزا، ومن خلف غازيا في أهله فقد غزا

.ألا فليكن رمضان بداية لصحوة شعبية اسلامية عربية ، وما يحدث في فلسطين هو جهاد لتحرير الأرض والعرض، وليس ارهابا كما يدعي المدعون من اليهود ومن والاهم، وقد روي : 'أن رجلا جاء إلي رسول الله صلي الله عليه وسلم فقال: يا رسول الله أرأيت ان جاء رجل يريد أخذ مالي؟ قال: فلا تعطه مالك ، قال: أرأيت إن قاتلني ؟ قال: قاتله قال: أرأيت ان قتلني ؟ قال: فأنت شهيد قال: أرأيت إن قتلته ؟ قال: هو في النار

'تعالوا يا كل المصريين نعيد جزءا من كرامتنا المهدرة وارادتنا المغتصبة وحريتنا المسجونة

تعالوا يا كل المصريين نجعل من يوم العاشر من رمضان 2008 بداية لاسترداد ما فقدناه تعالوا يا كل المصريين نكسر الحصار عن اشقائنا في غزة بدأ من هذا اليوم

فلسنا بأقل من اصحاب السفينتين الذين ضربوا مثلا رائعا في الرجولة والشجاعة ومناصرة اصحاب الحقوق رغم كل المعوقات و المحاذير

تعالوا جميعا نذهب الي معبر رفح حاملين ما نستطيعه من مؤن وكساء ودواء

وادعوا زملائي النواب للذهاب معا لكسر هذا الحصار وليمنعنا من يشاء

وادعوا كل المنظمات الحقوقية والاغاثية وافراد الشعب بكافة انتمائاتهم واتجاهاتهم للتضامن والتضافر معا ولنذهب جميعا كسرا للحصار

وتنسيقا لجهودنا ان اردتم لنجعل احد مؤسسات الاغاثة تقوم بمهمة التنظيم والترتيب

سأذهب وحدي بسيارتي املؤها بما استطيع من غذاء و دواء ومن يرغب فلينسق معي او مع آخرين إن شاء

وأدعوا الشعب المصري الكريم المعطاء – خير أجناد الأرض كما وصفهم النبي الكريم - رغم ظروف الفقر والغلاء ومعاناته التي اعرفها جيدا الي نصرة اخوانه المحاصرين في فلسطين

يا كل المصريين اصنعوا من يوم العاشر من رمضان 2008 تاريخا جديدا لشعب مصر وليُكتب في التاريخ انه اليوم الذي انتصرت فيه ارادة الشعب وكَسَرَ فيه حصار الأعداء عن اشقائه رغم انف الطغاة

للإتصال و التنسيق / حمدي حسن – نائب الشعب

محمول : 0101747541

فاكس: 034410935

E-MAIL : HAMDY.HASAN@GMAIL.COM

ادعو كل مصري جاد للمشاركة ولو بالنشر

ويوم 3 رمضان اللي فات كان فيه مؤتمر في نقابة الأطباء بخصوص الاعلان عن نتائج فعاليات الشعب المصري في محاولته
لكسر الحصار المفروض علي الشعب الفلسطيني
بمناسبة ذكري العاشر من رمضان
واعلان قيام وتأسيس

" الحملة الشعبية لفك الحصار عن الشعب الفلسطيني "

برئاسة المستشار محمود الخضيري
وأسماء قيادات ورموز المجتمع المدني المشاركين بالحملة
والحمد لله المؤتمر نجح وتم الاتفاق علي الانطلاق يوم الأربعاء العاشر من رمضان اللي هوه النهارده الصبح يعني

ولكن كالعاده وبكل سعاده أعلنت الدوله حالة التأهب القصوي وذلك لمنع فك الحصار عن إخواننا في غزة
وبدأت بتصريحات محافظ شمال سيناء عندما أعلن أنه لن يدع القافله تمر من سيناء
ما هي سيناء دي العزبه اللي ورثها عن تيته الحاجه

وبعديها امبارح بلييل تم اعتقال كم شاب كده من الاخوان المسلميين في محطة سيدي جابر كانوا جايين يشاركوا في انطلاق القافله

النهارده بقي بدأت المهزله والفضيحه الكبري عندما بدأ الامن المصري بإعاقة طريق القافله المتجهه لغزة وإليكم بعض من هذه الفضائح التي وصلتنا عبر بعض من شباب مصر المناضليين الموجودين في هذه القافله

توقيف الاتوبيس الاول والثانى بالاسماعيليه وتفتيشهم وحجز الاتوبيسات وركنها عند بوابه الاسماعيله

تم توقيف الشباب في الكارتة بالاسماعلية واحتجزو السواق ونزلو الشباب من الاتوبيسات والامن المركزي ضرب أحمد دومةفقام الشباب بمظاهرة للمطالبة باستكمالهم الطريق

بعد ان استطاع شبابناوالقافلة عبور الحاجز الامنىمن جديد يطبق الحاجز الامنى سباكه ويمنع دخول او خروج اى فرد او سيارة من سيناء او الى سيناء

تم سرقة احد الاتوبيسات يبدو ان سائقه كان موالسا مع الامن حيثغادر المكان بسرعه بعد نزول الركاب منه وتركهم وفر هاربا بالشنط وما معه من مساعدات

فضيحة كبرى...الأمن يسرق قوافل الإغاثة

الأمن يتفق مع ساقين الحافلة الأولى والثانية في القافلة الإغاثية المتجة لغزةوتسير الحافلتان بدون الركاب الذين كانوا على الأرض إلى وجهة غير معلومةوالجدير بالذكر أن هاتان الحافلتان همه المحملتان بالطعام والشراب للمسافرين الصائمين النتجين لغزةكما أنهما يحملان البضائع الإغاثية للفلسطينيينوبالإتصال بأصحاب الشركات التي تملك الأتوبيساتوجد أنهم قد أغلقوا موبايلاتهمولا يردوا على الأرضيأي أن الأمن سرق البضائع الإغاثيةوترك الركاب على الأرض

الامن المصرى يحتك ثانية بالمشاركين فى القافلة الاولى وبالضرب والسرقة وانباء عن تراجعها للوراء حتى تتيح الطريق مفتوحا امام القافلة الثانية خاصة ان بها القافلة الطيبة المتجهه الى غزة

12عربية امن مركزي منهم 4 او 5 عريبيات لمكافحة اعمال الشغبذهبت للكارتة بالاسماعلية للنشطاء

في 3 اتوبيسات في طريق عودتها للقاهرة بامر من الدولة للسواقينوباقي اتوبيس مهدد ايضا بالرجوع وفيه حوالي من 40 ل 50 فرد

من قافلة الاطباء المحاصرة بالاسماعيليه

عبد الفتاح رزق منسق الحملة يقول

ان القوات الامنية تطالبهم بالرجوع الى القاهره الان وهمة يرفضون وبشدةورزق يطالب الامن المصرى التعامل معهم كما تعامل الامن الاسرئيلى مع قافلة وسف قبرص

ويناشد الجميع التثبت

القبض على عبد الرحمن فارس واثنين اخرين من الفيوم بالعريش ومجموعه بنات الاسكندرية تعود الى الاسماعيليه لتشارك قافلة الاطباء اعتصامهم بعدما كانوا وصلوا الى القاهرة وهم الان فى الطريق الى القافلة واعداد كبيرة من القافلة الاولى تتجه مرة اخرى الى قافلة الاطباء

هذه هي آخر الأخبار التي وصلت إالينا حتي الآن وأكيد فيه خبايا تانيه وبلاوي كتيير ربما تظهر في الساعات القادمه وربنا يستر

الجدير بالذكر إن فيه قنوات كتيير عملت تغطيه للموضوع وبكده يكون الطغاه اللي بيحكموا مصر فضحوا نفسيهم بس نقول إيه بقي

حسبنا الله ونعم الوكيل

مش عارف لحد إمتي الطاغي الهاتك بأمر الله هيستمر في ولاءه لليهود مع إنه قبل كده صرح وقال في ساعة تجلي

لا أسمح بتجويع الشعب الفلسطيني

فعلا هوه لايسمح بتجويعه ولكنه

يسمح بتمويت الشعب الفلسطيني

حقا عندما يحكم الطغاه فلتتوقع كل شئ

فهل بعد الكفر ذنب؟؟؟؟؟

وربنا يستر ولو فيه فضايح تانيه هبعتها قصدي أخبار تانيه

ونسأل الله أن يوفق إخواننا الفلسطينيين المحاصرين في غزة والمصريين المحاصريين في مصر

آه يا غزة يا محاصرة

الندا بيقول : مناصرة

شعر: عبد المجيد راشد

النيران فى قلوبنا فــزّة

والجروح بتزيد يا غزة

و الكلاب اللى بيحكمونا

غرقانين فى النوم بلذة

آه يا غزةو آه ياغزة

التراب فى دموعه دم

و النفوس مليانه هم

و القلوب مكسية غم

و الشوارع مستكينة

يا شعوبنا يا حزينة

غزة تصرخ بتنادين

افين شهامتك يا أخينا

كل حكام الخيانة

عار و عارفين من زمان

كل حكام المهانة

إيد صهاينه وأمريكان

كل حكام المذلة

عمرهم ما هينصرونا

يا شوارع هبى هبة

أهلنا عايشين فى نكبة

يا شوارع فزى فزة

إنصرى اخوانّا فى غزة

آه يا غزةوآه يا غزة

جرحنا بيوسع زيادة

دمّنا بيسيل شهادة

دمعنا ع الخد عادة

و الحكاية مستفزة

آه يا غزةو آه يا غزة

رغم إن الدم سايل

لسه جوانا الإرادة

لسه رايتنا المقاومة

لسه فرض جهادنا عاد

ةكل أحلامنا الشهادة

مهما كان القهر أسود

مهما كان الليل غميق

بكره نور الفجر يحشد

اللى عارفين الطريق

يومها يا أقصانا تنشد

للقيامة أغنياتك

تسمع الألحان قلوبنا

تنتفض صرخة آهاتك

أه يا غزة يا محاصرة

الندا بيقول : مناصرة

اللهم إنك تري مكاني وتسمع كلامي ولا يخفي عليك شئ من أمري
اللهم نصرك الذي وعدت نصرك يارب للمحاصرين
نصرك يارب للمستضعفين في كل مكان
نصرك يارب لأمة الإسلام