النهارده وأنا قاعد في ساعة صفا قبل ماتش الاهلي والزمالك قلت اتصفح شويه في النت(حلوة أتصفح دي) واشوف الدنيا فيها إيه بعدين بفتح موقع كده
وخير اللهم اجعله خير طلعتلي الصفحه دي
لو الصورة مش واضحه إفعص هنا
ايه اللي بيحصل ده يا جدعان ؟؟؟؟؟؟؟؟؟
حد يقولي لحسن أنا مش عارف واللي يعرف يقوللي
المهم دلوقتي إن الرساله واضحه زي عين الشمس وتسد أتخنها عين قاعده أدام شاشة الكمبيوتر بس أنا اللي محيرني إنهم كاتببن
تم الاحتفاظ برقم الآي بي الخاص بك لأسباب أمنيه
مين هما دول بقي يا جدعان بالله عليكم اللي احتفظوا برقم الاي بي ؟؟؟؟؟؟؟؟
دا سؤال مش عارف أجاوبه ولو حد عرف يجاوبه يخش علي السؤال التاني اللي هوه
ايه هيا الأسباب الأمنيه دي اللي بسببها حفظوه الاي بي بتاعي ؟؟؟؟؟؟؟؟؟؟
يمكن عاوزيين يبعتولي جايزة ولا حاجه
لو عرفت الإجابه ياريت تغششني بسرعه وربنا يجعل مصر بلدنا بلد الأمن والأمان
ويحميها من المناضلين والجدعان
ويخليها لحسني ومراته وجمال
إوعوا تقولو آمييييييييييين
8 التعليقات:
المسألة يا باشا انك عملت حاجة هتوديك فى داهيه وانا ماعرفش الموقع دة كان فيه ايه عشان اعرف ايه الاجراءات الامنية ولا مين اللى قافلها بس واضحة متهيألى وانا مش هقول لانك فهمت اكيد بس ربنا ما يوقعك فى مشاكل لحسن مش هنلاقيك تانى.
عموما لو عندك رقم مدينهولك اتصل وان شاء الله مش هتخسر حاجة.
ملحوظة: حلوة اوى افعص هنا D:D:D:
ياباشا ما تقلقش دى بتحصل كتير ان الرسالة الظهرتلك تظهر لاى حد انا شايف ان الشىء الوحيد اللى يقلقك انك تكون بتحاول الدخول على مواقع !!!!!!!!!!!!!!!!!!!!!!
فاهم ولو كان ده بيحصل انك بتحاول الدخول على هذه المواقع انا اعتقد انك هتنفعص هنا.
ماهو فعلا الموقع ده من المواقع ال !!!!!!!!!!!!!
فى الحالة دى يا باشا ربطلك مع محامى من دلوقتى وابقى قول لى فى سجن ايه ان شاء الله عشان ابعتلك عيش وحلاوة.
شكلى هابعتلك انا الحلاوة بس قولي هو انت مشترك لينك ولا تى اى داتا لو التانية وكان الموقع من اياهم انا عندى ليك محامي المهم شفت بقية لعب العيال بتاعك وصلك لايه
ماشي يا آيات شكلك شمتانه فيا
طب قولي انت مين عشان ابعتلك لأني مشترك مع تي اي داتا
انا مش فاهم ...
يعني ايه موقع من !!!!!!!!!! ؟؟؟
ومحامي ايه اللي محتاجه ؟؟؟
ممكن حد يفهمني ؟
أنا أفهمك ياسيدى موقع ال!!!!!!!!!!!!!! ده يبقى اللهم أحفظناوربنا يجعل كلامنا خفيف عليهم أ!!!!!!!!!!!!!!!!!!!!!!!! والمحامى يارب ماتشوفو وأبو العريف ربنا يتولاه برحمتة قولوا أمييييييييييييييييييين
إرسال تعليق